Recognition as HS school : দক্ষিণ বৰপেটা বিদ্যামন্দিৰ হাইস্কুললৈ উচ্চতৰ মাধ্যমিক বিদ্যালয়ৰ স্বীকৃতি

বৰপেটা(Barpeta) জিলাৰ ৮ খন উচ্চ মাধ্যমিক বিদ্যালয়ক শেহতীয়াকৈ উচ্চতৰ মাধ্যমিক বিদ্যালয়(Higher secondary) হিচাপে স্বীকৃতি প্ৰদান কৰিছে শিক্ষা বিভাগে । বৃহস্পতিবাৰে দক্ষিণ বৰপেটা বিদ্যামন্দিৰ হাইস্কুল(South Barpeta Vidyamandir High School)ত একাদশ শ্ৰেণীৰ উদ্বোধন কৰা হয় । প্ৰায় ৭১ বছৰ গৰকা এই বিদ্যালয়খনক যোৱা ছেপ্টেম্বৰ মাহতে উচ্চতৰ মাধ্যমিক বিদ্যালয়লৈ উন্নীত কৰা হয় ।

বৰপেটা, ১৮ নৱেম্বৰ: শিক্ষা বিভাগে শেহতীয়াকৈ ৰাজ্যৰ বহু উচ্চ মাধ্যমিক বিদ্যালয়(High School)ক উচ্চতৰ মাধ্যমিক বিদ্যালয়(Higher secondary) হিচাপে স্বীকৃতি দিছে । বৰপেটা(Barpeta) জিলাৰ ৮ খন উচ্চ মাধ্যমিক বিদ্যালয়ক উচ্চতৰ মাধ্যমিক বিদ্যালয়লৈ উন্নীত কৰা হৈছে । এই বিদ্যালয়কেইখনৰ ভিতৰত অন্যতম দক্ষিণ বৰপেটা বিদ্যামন্দিৰ হাইস্কুল(South Barpeta Vidyamandir High School) । বৃহস্পতিবাৰে শিক্ষা বিভাগৰ ফালৰ পৰা দক্ষিণ বৰপেটা বিদ্যামন্দিৰ উচ্চতৰ মাধ্যমিক বিদ্যালয়ৰ একাদশ শ্ৰেণীৰ শুভ উদ্বোধন কৰা হয় ।

১৯৫০ চনত স্থাপন কৰা হৈছিল এই বিদ্যালয়খন । প্ৰায় ৭১ বছৰ গৰকা এই বিদ্যালয়খনক যোৱা ছেপ্টেম্বৰ মাহতে উচ্চ মাধ্যমিক বিদ্যালয়ৰ পৰা উচ্চতৰ মাধ্যমিক বিদ্যালয় হিচাপে চৰকাৰে আনুষ্ঠানিক স্বীকৃতি প্ৰদান কৰে । বৰপেটা চহৰৰ দক্ষিণ অঞ্চলত থকা এই বিদ্যালয়খনে উচ্চতৰ মাধ্যমিক বিদ্যালয়ৰ স্বীকৃতি লাভৰ খবৰে অঞ্চলটোৰ ৰাইজলৈ আনন্দৰ বাৰ্তা কঢ়িয়াই আনিছে । বৰ্তমান চাৰিওফালে ব্যক্তিগত খণ্ডৰ বিদ্যালয়ৰ সংখ্যা বৃদ্ধি আৰু সততে তেনে বিদ্যালয়ত ছাত্ৰ-ছাত্ৰীয়ে অধ্যয়ন কৰিবলৈ অধিক আগ্ৰহী হোৱা দেখা যায় ।

কিন্তু এনে সময়তে চৰকাৰে গ্ৰহণ কৰা এই পদক্ষেপে নিঃসন্দেহে দৰিদ্ৰ ছাত্ৰ-ছাত্ৰীসকলক উপকৃত কৰিব বুলি ৰাইজে মতপোষণ কৰে । বৰ্তমান চৰকাৰী বিদ্যালয়ৰ পৰিৱৰ্তে ব্যক্তিগত খণ্ডৰ বিদ্যালয়ত ছাত্ৰ-ছাত্ৰীৰ সংখ্যা অধিক হোৱাক লৈ জিলা শিক্ষা বিষয়া আৰু বিদ্যালয়খনৰ প্ৰধান শিক্ষকগৰাকীয়ে জনায় যে, পূৰ্বতকৈ এই বিদ্যালয়খনত ছাত্ৰ-ছাত্ৰীৰ সংখ্যা বৃদ্ধি পাইছে ।

লগতে পঢ়ক:COVID-19 Update: দৈনিক আঢ়ৈ শতাধিককৈ ক'ভিড পজিটিভ