হাউলী ৰাস মহোৎসৱ লটাৰী খেলৰ প্ৰথম পুৰস্কাৰ "স্কোডা কডিয়াক"

হাউলী ৰাস মহোৎসৱৰ বহুমুখী সাংস্কৃতিক প্ৰকল্প নিৰ্মাণৰ সাহাৰ্যাৰ্থে আয়োজন কৰা উপহাৰ কুপন খেলখনত এইবাৰ প্ৰথম পুৰস্কাৰ আগবঢ়োৱা হৈছে বিলাসী স্কোডা কডিয়াক গাড়ী ৷ যিখন গাড়ীৰ মূল্য ৩৫ লাখ ৩৬ হাজাৰ টকা

বৰপেটা, ৪ অক্টোবৰঃ হাউলী ৰাস মহোৎসৱৰ কথা ওলালেই ৰাসৰ আধ্যাত্মিক, সাংস্কৃতিক আদি বিবিধ কাৰ্যক্ৰমনিকাৰ লগতে বিশেষ ভাৱে মনলৈ আহে লটাৰী খেলৰ কথা ৷ কিয়নো মানুহৰ মাজত হাউলী ৰাস মহোৎসৱৰ উপহাৰ কুপন খেলখলনৰ আকৰ্ষণ সৰ্বাধিক ৷ এইবেলি ৯২ সংখ্যক বৰ্ষত পদাৰ্পন কৰা হাউলী ৰাস মহোৎসৱ উপলক্ষে আয়োজন কৰা উপহাৰ কুপন খেলৰ শুকুৰবাৰে আনুষ্ঠানিকভাৱে কুপন মুকলি কৰা হয় ৷ হাউলী ৰাস মহোৎসৱৰ বহুমুখী সাংস্কৃতিক প্ৰকল্প নিৰ্মাণৰ সাহাৰ্যাৰ্থে আয়োজন কৰা উপহাৰ কুপন খেলখনত এইবাৰ প্ৰথম পুৰস্কাৰ হিচাপে আগবঢ়োৱা হৈছে বিলাসী 'স্কোডা কডিয়াক' গাড়ী ৷ যিখন গাড়ীৰ মূল্য ৩৫ লাখ ৩৬ হাজাৰ টকা ৷ বিলাসী স্কোডা কডিয়াক গাড়ীখন অৱশ্যে এই মুহূৰ্তলৈকে হাউলী আহি পোৱা নাই ৷ অসমত গাড়ীখনৰ শ্ব'ৰূম নথকাৰ বাবে কলকতাৰ পৰা গাড়ীখন দুই এদিনৰ ভিতৰত হাউলীলৈ অনা হ'ব ৷

তাৰোপৰি উপহাৰ কুপন খেলখনত মুঠ ১৯ খন গাড়ীৰ উপহাৰ আগবঢ়োৱা হৈছে ৷ 'স্কোডা কডিয়া'ক গাড়ীখনৰ সৈতে পুৰস্কাৰ হিচাপে আগবঢ়োৱা আন গাড়ীকেইখন হ'ল- জীপ কম্পাচ, টাটা হাৰিয়াৰ এক্স ই, মাৰুতি এক্স এল চিক্স, কিয়া চেল্ টোচ, মহিন্ড্ৰা এক্স ইউ ভি 300, ফ'ৰ্ড ইক' স্পোৰ্ট আৰু হোণ্ডাই ভেনু ৷ ইয়াৰ উপৰিও আগবঢ়োৱা হৈছে টাটা টিগ'ৰ আৰু মাৰুতি চুইফ্ট, হোণ্ডাই গ্ৰেণ্ড আই টেন নিয়'ছ, টাটা টিয়াগো', মাৰুতি ৱাগন আৰ, হোণ্ডাই চেন্ট্ৰ', হোণ্ডাই চেন্ট্ৰ', ৰেণল্ট কুইড আৰু মাৰুতি অল্ট' 800 ৷ মুঠ ২ লাখ ৬০ হাজাৰ টিকটৰ মাজত অনুষ্ঠিত হ'ব উপহাৰ খেলখন ৷ হাউলী ৰাস মহোৎসৱ উদযাপন সমিতিৰ উদ্যোগত শুকুৰবাৰে উপহাৰ কুপন মুকলিৰ পিচতেই ৰাইজৰ বাবে টিকট বিক্ৰী আৰম্ভ হয় ৷ উল্লেখ্য, হাউলী ৰাস মহোৎসৱৰ এই উপহাৰ কুপন খেলখনৰ পূৰ্বে প্ৰথম পুৰস্কাৰ লাভ কৰা সকলৰ ভিতৰত অধিক সংখ্যকেই অতি দৰিদ্ৰ পৰিয়ালৰ লোক ৷ এতিয়া আপোনালোকো সাজু হওক হাউলী ৰাস মহোৎসৱ দৰ্শন কৰি আনন্দ লোৱাৰ লগতে এশ টকীয়া এটা লটাৰী টিকট ক্ৰয় কৰি ৩৫ লাখ টকীয়া বিলাসী বাহন এখন লাভ কৰিবলৈ ৷

লগতে পঢ়কঃ ডিফুত ব্যৱসায়িক প্ৰতিষ্ঠানলৈ গ্ৰেণেড নিক্ষেপ