বৰপেটাৰ বাৰাদিত উদ্ধাৰ দুষ্প্ৰাপ্য কাছ

বৰপেটা বাৰাদিৰ কে জি বি এম বিদ্যালয় চৌহদত উদ্ধাৰ হয় দুষ্প্ৰাপ্য কাছটো ৷ বিদ্যালয়খনৰ ছাত্ৰ ছাত্ৰী সকলে কাছটো দেখা পায় শিক্ষক সকলক অৱগত কৰাত বনবিভাগৰ লোক উপস্থিত হৈ উদ্ধাৰ কৰে কাছটো ৷

বৰপেটা,৩০ অক্টোবৰঃ এসময়ত বৰপেটাৰ সৰ্বত্ৰে সূলভ আছিল কাছ ৷ বিভিন্ন প্ৰজাতিৰ কাছৰ আৱাসস্থল বৰপেটাৰ লগতে এতিয়া ৰাজ্যখনত দুষ্প্ৰাপ্য হৈ পৰিছে কাছ ৷ ক্ৰমাৎ দুষ্প্ৰাপ্য হৈ পৰা এটা বিৰল প্ৰজাতিৰ কাছ বুধবাৰে উদ্ধাৰ হ'ল বৰপেটাত ৷

বৰপেটা চহৰৰ সমীপৰ বাৰাদিৰ কে জি বি এম বিদ্যালয়চৌহদত বুধবাৰে একাংশ ছাত্ৰ ছাত্ৰীয়ে প্ৰত্যক্ষ কৰে দুষ্প্ৰাপ্য কাছটো ৷ ছাত্ৰ ছাত্ৰীসকলে লগে লগে কাছটোৰ অৱস্থিতি সম্পৰ্কে শিক্ষকক অৱগত কৰে ৷ শিক্ষকসকলে পিচত বৰপেটা বন বিভাগৰ লোকক অৱগত কৰাত বনবিভাগৰ লোক উপস্থিত হৈ উদ্ধাৰ কৰে কাছটো ৷ সম্প্ৰতি বন বিভাগৰ জিম্মাত থকা কাছটো উপযুক্ত স্থানত মুকলি কৰি দিয়া হ'ব বুলি জানিবলৈ দিছে বৰপেটাৰ খণ্ড বন বিষয়া অচিন্ত্য দেউৰীয়ে ৷

বাৰাদিৰ কে জি বি এম বিদ্যালয় চৌহদত উদ্ধাৰ হোৱা দুষ্প্ৰাপ্য কাছটো

লগতে চাওকঃকাৰ্বি-আংলঙৰ খেৰণি আৰু গোৱালপাৰাৰ মাটিয়াত বনৰীয়া হাতীৰ তাণ্ডৱ