বৰপেটা,13 মাৰ্চ: বৰপেটা থানাৰ ভাৰপ্ৰাপ্ত বিষয়া তপন মেধিৰ নেতৃত্বত আৰক্ষীৰ এটা দলে গাঞ্জা আৰু ব্ৰাউন চুগাৰ ভৰ্তি কণ্টেনাৰসহ তিনিজনকৈ ড্ৰাগছ ব্যৱসায়ীক আটক কৰিবলৈ সক্ষম হয় ৷ আটকাধীন ব্যৱসায়ী কেইজন ক্ৰমে আৰজ খান, তমিজুদ্দিন, আৰু মহিদুল ইছলাম ।
বৰপেটাত ড্ৰাগছ ব্যৱসায়ী আটক - বৰপেটাৰ বিভিন্ন অঞ্চল
বৰপেটা জিলাত জুৱা, মদ, ড্ৰাগছ, আৰু গাঞ্জা ব্যৱসায়ৰ বিৰুদ্ধে আৰক্ষীৰ অভিযান অব্যাহত ৷ শনিবাৰে বৰপেটা আৰক্ষীয়ে পালহাজি গাঁৱৰ পৰা আটক কৰে তিনিজনকৈ ড্ৰাগছ ব্যৱসায়ী ৷
বৰপেটাত আটক গাঞ্জা আৰু ব্ৰাউন চুগাৰ ব্যৱসায়ী
ব্যৱসায়ী তিনিজনৰ পৰা বৰপেটা আৰক্ষীয়ে দুই কিল’ গাঞ্জাসহ সাতটাকৈ ব্ৰাউন চুগাৰ ভৰ্তি কণ্টেনাৰ জব্দ কৰিবলৈ সক্ষম হয় । বৰপেটাৰ বিভিন্ন অঞ্চলত এটাৰ পিচত আনজন ড্ৰাগছ ব্যৱসায়ীক আটকৰ ঘটনাই জিলাখনৰ সাধাৰণ ৰাইজক চিন্তিত কৰি তুলিছে ৷ লগতে জিলাখন যে ড্ৰাগছৰ ঘাটিলৈ পৰিণত হৈছে সেয়া প্ৰতীয়মান হৈছে ৷