বৰপেটাত সুৰা ক্ৰয়ৰ পূৰ্বে গ্ৰাহকে দেখুৱাব লাগিব ভেকচিনৰ প্ৰমাণ পত্ৰ

বৰপেটাত সুৰা ক্ৰয় কৰাৰ পূৰ্বে সুৰাৰ বিপণীত ক’ভিড ভেকচিন(Vaccination Certificate)ৰ প্ৰমাণ পত্ৰ প্ৰদৰ্শন কৰিব লাগিব গ্ৰাহকসকলে(Vaccination certificate mandatory for buying liquor in barpeta) ৷ কেৱল ক’ভিড ভেকচিনৰ প্ৰমাণ পত্ৰ প্ৰদৰ্শন কৰাসকলৰ ওচৰতহে সুৰা বিক্ৰী কৰিব পাৰিব বিপণীসমূহে ৷ এই নিৰ্দেশনা জাৰি জিলা উপায়ুক্ত তেজ প্ৰসাদ ভূচাল(Barpeta DC Tej Prasad Bhusal) ৰ ৷

বৰপেটা, 7 ডিচেম্বৰ : বৰপেটা জিলাৰ সকলো সুৰা বিপণীলৈ এক গুৰুত্বৰূৰ্ণ নিৰ্দেশনা জাৰি কৰিছে জিলা উপায়ুক্তই ৷ সুৰা বিক্ৰীৰ পূৰ্বে গ্ৰাহকৰ ক’ভিড টীকাকৰণৰ প্ৰমাণ পত্ৰ পৰীক্ষা কৰিব লাগিব বিপণীসমূহে ৷ ক’ভিড ভেকচিন গ্ৰহণ কৰাৰ প্ৰমাণ পত্ৰ দেখুৱাবলৈ অসমৰ্থ সকলৰ ওচৰত বিলাতী সুৰা, দেশীয় সুৰা, বিয়েৰ আদি বিক্ৰী কৰিব নোৱাৰিব বিপণীসমূহে ৷ কেৱল ক’ভিড ভেকচিনৰ প্ৰমাণ পত্ৰ প্ৰদৰ্শন কৰা সকলেহে ক্ৰয় কৰিব পাৰিব সুৰা(Vaccination certificate mandatory for buying liquor in barpeta) ৷

ভেকচিন গ্ৰহণ নকৰা অথবা প্ৰমাণ পত্ৰ প্ৰদৰ্শন কৰিবলৈ অসমৰ্থ সকলৰ ওচৰত সুৰা বিক্ৰী কৰাৰ পৰা বিৰত থাকিব লাগিব বিপণীসমূহে ৷ বৰপেটা জিলাৰ উপায়ুক্ত তেজ প্ৰসাদ ভূচালে(Barpeta DC Tej Prasad Bhusal) শেহতীয়াকৈ জাৰি কৰিছে এই নিৰ্দেশনা ৷ সুৰা বিক্ৰীৰ তথ্যৰ লগতে নিৰ্দেশনাৰ ফলাফল আদি লিপিবদ্ধ কৰি ৰাখিবলৈও নিৰ্দেশ দিয়া হৈছে সুৰা বিপণীসমূহক ৷

নতুনকৈ জাৰি হোৱা নীতি-নিয়মসমূহ কঠোৰভাৱে মানি চলিবলৈ সুৰা বিপণীসমূহক নিৰ্দেশ দিয়া হৈছে ৷ নিৰ্দেশনা উলংঘাকাৰীৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলি সকীয়াই দিয়ে জিলা উপায়ুক্তই ৷ ক’ভিড ভেকচিন সম্পূৰ্ণ কৰি তোলাৰ স্বাৰ্থতেই এনে পদক্ষেপ গ্ৰহণ কৰা হৈছে বুলি উপায়ুক্ত তেজ প্ৰসাদ ভূচালে সংবাদ মাধ্যমক জানিবলৈ দিয়ে ৷

লগতে পঢ়ক :প্ৰসিদ্ধ সাহিত্যিক প্ৰয়াত হোমেন বৰগোহাঞিৰ নামত মুকলি হ’ল পথ