শিক্ষাৰত্ন অক্ষয় কুমাৰ মিশ্ৰৰ ঘৰত বৰপেটাৰ জিলা উপায়ুক্ত

বৃহস্পতিবাৰে বৰপেটা জিলাৰ জেষ্ঠ সাহিত্যিক, শিল্পী, সাংবাদিকৰ ঘৰত উপস্থিত হৈ স্বাস্থ্যৰ বুজ লয় জিলা উপায়ুক্ত মুনীন্দ্ৰ শৰ্মাই ৷ সকলোৰে সু-স্বাস্থ্য আৰু দীৰ্ঘায়ু কামনা কৰে উপায়ুক্ত গৰাকীয়ে ৷

বৰপেটা, 7 মে' : বৃহস্পতিবাৰে শিক্ষাৰত্ন কলাগুৰু বঁটা প্ৰাপক বিশিষ্ট সাহিত্যিক-সাংবাদিক অক্ষয় কুমাৰ মিশ্ৰৰ ঘৰত উপস্থিত হয় বৰপেটাৰ জিলাৰ উপায়ুক্ত মুনীন্দ্ৰ শৰ্মা ৷ উপায়ুক্ত গৰাকীয়ে সাহিত্যিক গৰাকীৰ সৈতে মত বিনিময় কৰাৰ লগতে স্বাস্থ্যৰ বুজ লয় ৷

ইয়াৰ উপৰিও উপায়ুক্ত গৰাকীয়ে শিক্ষাবিদ অৰ্জুন চন্দ্ৰ দাস, সংগীত শিল্পী সত্যকৃষ্ণ মিশ্ৰ আৰু সাহিত্যিক নিৰূপমা মিশ্ৰৰ ঘৰতো উপস্থিত হৈ স্বাস্থ্যৰ বুজ লয় ৷

লক্ ডাউনৰ সময়ছোৱাত নিজ গৃহত আৱদ্ধ জীৱন কটাই থকা বয়োজ্যেষ্ঠ সাহিত্যিক, শিক্ষাবিদ, শিল্পী, সাংবাদিক কেইগৰাকীৰ সু-স্বাস্থ্য কামনা কৰে উপায়ুক্ত গৰাকীয়ে ৷

আনহাতে, কৰ'ণা ভাইৰাছৰ বাবে দেশৰ অৰ্থনীতি ব্যাপক ভাবে ক্ষতিগ্ৰস্থ হ'ব বুলি সাহিত্যিক অক্ষয় কুমাৰ মিশ্ৰই উল্লেখ কৰে ৷ শৈক্ষিক সংকট বা আন সংকটৰ জোৰা মাৰিব পাৰিলেও অৰ্থনৈতিক সংকটৰ জোৰা মৰাতো কঠিন হ'ব বুলি উল্লেখ কৰে সাহিত্যিক গৰাকীয়ে ৷

লগতে আটাই কেইগৰাকী লোকে কৰ'ণাৰ লগত জড়িত হৈ থকা সকলোবোৰ যোদ্ধাৰ সু-স্বাস্থ্য কামনা কৰে ৷

লগতে পঢ়ক : প্ৰধানমন্ত্ৰী কিষাণ সন্মান নিধি কেলেংকাৰী : নিলম্বিত বৰপেটাৰ জিলা কৃষি বিষয়া