বৰপেটা,১৪ এপ্ৰিল: বৰপেটাত চাঞ্চল্যকৰ ঘটনা । প্ৰতিষেধকৰ দ্বিতীয় পালি লোৱাৰ পিছতো কৰ'ণাত আক্ৰান্ত এগৰাকী লোক । ব্যক্তিগৰাকী জিলাখনৰ সুন্দৰীদিয়াৰ হিৰণ্য কুমাৰ চৌধুৰী । চৌধুৰী বৰপেটাৰ পাটবাউসী মজলীয়া বিদ্যালয়ৰ শিক্ষক ৷ শিক্ষকজনৰ পত্নী-ভগ্নীও আক্ৰান্ত হৈছে কৰ'ণাত ৷
উল্লেখ্য যে, শনিবাৰে বৰপেটা নগৰ স্বাস্থ্য কেন্দ্ৰত দ্বিতীয় পালি প্ৰতিষেধক লৈছিল হিৰণ্য কুমাৰ চৌধুৰীয়ে ৷ প্ৰতিষেধক লোৱাৰ পিছতে দেওবাৰৰ পৰা তেওঁ জ্বৰত ভুগি আছিল ৷ মঙলবাৰে বৰপেটা নগৰ স্বাস্থ্য কেন্দ্ৰত কৰা ৰেপিড টেষ্টৰ পিছত দেহত ধৰা পৰে ভাইৰাছৰ অৱস্থিতি । আক্ৰান্ত আটাইকেইজনেই হোম কোৱাৰেণ্টাইন হৈ আছে ৷