বৰপেটা, 2 অক্টোবৰঃ মহাত্মা গান্ধীৰ 150 বছৰীয়া জন্মজয়ন্তী উপলক্ষে বৰপেটা জিলা কংগ্ৰেছৰ উদ্যোগত পদযাত্ৰা ৷ এই পদযাত্ৰাত অংশগ্ৰহণ কৰে সাংসদ আব্দুল খালেক, চেঙাৰ বিধায়ক শুকুৰ আলী আহমেদকে ধৰি কংগ্ৰেছ দলৰ বিভিন্ন পৰ্য্যায়ৰ নেতা কৰ্মী তথা সমৰ্থক সকলে ৷
এই পদযাত্ৰাত গান্ধীজী অমৰ ৰহে, ধৰ্মৰ ৰাজনীতি বন্ধ কৰক, হিংসাৰ ৰাজনীতি বন্ধ কৰক, গান্ধীজীৰ শান্তিৰ বাণী বিলাই দিয়ক, সাম্প্ৰদায়িক ৰাজনীতি নচলিব আদি বিভিন্ন শ্ল'গানেৰে পৰিৱেশ মুখৰিত কৰি তোলে । এই পদযাত্ৰা কোনো নিৰ্বাচন কেন্দ্ৰিক নহয় বুলি মন্তব্য প্ৰদান কৰে ছেঙা সমষ্টিৰ বিধায়ক শুকুৰ আলীয়ে ৷ লগতে সাংসদ আব্দুল খালেকে কয় যে ধৰ্মৰ ৰাজনীতিত আজি সমগ্ৰ দেশ অস্থিৰ হৈ থকা সময়ত কংগ্ৰেছে গান্ধীজীৰ শান্তিৰ বাৰ্তা বিলাই সাম্প্ৰদায়িক অপশক্তিক মষিমূৰ কৰাৰ প্ৰয়াস কৰিছে ৷
