উত্তৰ প্ৰদেশত নিৰুদ্দেশ অসমৰ যুৱক

উত্তৰ প্ৰদেশত নিৰুদ্দেশ কাশ্মীৰত কৰ্মৰত অসমৰ যুৱক ৷ ৩৭০ অনুচ্ছেদক লৈ কাশ্মীৰত অশান্ত পৰিৱেশৰ সৃষ্টি হোৱাত অমৰনাথ-গুৱাহাটী এক্সপ্ৰেছত ঘৰলৈ ঘূৰি অহা অৱস্থাত উত্তৰ প্ৰদেশৰ গোৰখপুৰ ষ্টেচনৰ পৰা নিৰুদ্দেশ হয় বাবৰ আলী নামৰ কলগাছিয়াৰ যুৱকজন ৷

জনিয়া, 16 আগষ্টঃ উত্তৰ প্ৰদেশত নিৰুদ্দেশ হৈছে কাশ্মীৰত কৰ্মৰত অসমৰ যুৱক ৷ প্ৰাপ্ত তথ্য মতে, তিনি সন্তানৰ পিতৃ বাবৰ আলী নামৰ কলগাছিয়াৰ যুৱকজন কিছুদিন পূৰ্বে কাশ্মীৰত কাম কৰিবলৈ গৈছিল ৷ কিন্তু ৩৭০ অনুচ্ছেদক লৈ কাশ্মীৰত অশান্ত পৰিৱেশৰ সৃষ্টি হোৱাত যোৱা ৯ আগষ্টত অমৰনাথ গুৱাহাটী এক্সপ্ৰেছ যোগে যুৱকজনে ঘৰমুৱা হৈছিল যদিও উত্তৰ প্ৰদেশৰ গোৰখপুৰ ষ্টেচনৰ পৰা নিৰুদ্দেশ হয় | যোৱা ১২ তাৰিখে ঘৰ আহি পাব লাগিছিল যদিও আজিলৈ ওভতি নহাত কান্দোনত ভাগি পৰিছে পৰিয়ালৰ লোক | পৰিয়ালৰ লোকে কলগাছিয়া আৰক্ষী থানাত এজাহাৰ দাখিল কৰাৰ লগতে কোনো সদাশয় ব্যক্তিয়ে যুৱকজনৰ সন্ধান পালে 8403053654 আৰু 8011924034 নম্বৰত যোগাযোগ কৰিবলৈ অনুৰোধ জনাইছে ৷