বৰপেটাৰ কয়াকুছি আৰক্ষীৰ আলহী এটি ঘোঁৰা

সন্ধিয়া কয়াকুছি বজাৰত সংঘটিত হয় এই ঘটনা। সন্ধিয়া এটা ১২ বছৰীয়া কিশোৰে ঘোঁৰাৰ পিঠিত উঠি ফুৰিবলৈ আহিছিল কয়াকুচি বজাৰলৈ। কিন্তু বজাৰখনত থকা অজস্ৰ গাড়ী-মটৰৰ লানি, মানুহৰ কোলাহলত আতংকিত হৈ পৰে ঘোঁৰাটো ৷ তাৰ পিচতে সংঘটিত হয় অঘটন ৷

বৰপেটা, ১মেঃ চোৰ, ডকাইত, কিম্বা হত্যাকাৰী নহয় ৷ এইবাৰ আৰক্ষীয়ে আটক কৰিলে এটা ঘোঁৰা ৷ এজন লোকক আক্ৰমণ কৰি আঘাতপ্ৰাপ্ত কৰাৰ অপৰাধত বৰপেটাৰ কয়াকুছি আৰক্ষীৰ আলহী হ'বলগীয়া হ'ল এটা ঘোঁৰা ৷

বৰপেটাৰ কয়াকুছিত ঘোঁৰাৰ আক্ৰমণ ৷ কয়াকুছি বজাৰত ঘোঁৰাৰ আক্ৰমণত গুৰুতৰভাৱে আহত হ'ল এগৰাকী ব্যক্তি ৷ বুধবাৰে সন্ধিয়া কয়াকুছি বজাৰত সংঘটিত হয় এই ঘটনা। সন্ধিয়া এটি ১২ বছৰীয়া কিশোৰে ঘোঁৰাৰ পিঠিত উঠি ফুৰিবলৈ আহিছিল কয়াকুচি বজাৰলৈ। কিন্তু বজাৰখনত থকা অজস্ৰ গাড়ী-মটৰৰ লানি, মানুহৰ কোলাহলত আতংকিত হৈ পৰে ঘোঁৰাটো ৷ তাৰ পাচতে দিকবিদিক হেৰুৱাই ঘোঁৰাটোৱে যেনি-তেনি দৌৰিবলৈ ধৰে ৷ সেই সময়তে পথৰ মাজত থকা পথচাৰী এজনক আক্ৰমণ কৰে ঘোঁৰাটোৱে। ঘোঁৰাটোৰ আক্ৰমণত আহত লোকজন খোৱাজ আলী ৷ আহত লোকজনক লগে লগে স্থানীয় চিকিৎসালয়ত চিকিৎসা প্ৰদান কৰা হয় যদিও আঘাত গুৰুতৰ হোৱাৰ বাবেই উন্নত চিকিৎসাৰ বাবে লোকজনক বৰপেটা মেডিকেল কলেজ হাস্পতাললৈ প্ৰেৰণ কৰে ৷