বৰপেটাৰোড প্ৰেছ ক্লাৱত ৰিপুণ বৰাৰ সংবাদ মেল

বৃহস্পতিবাৰে বৰপেটাৰোড প্ৰেছ ক্লাৱত এখন সংবাদ মেল সম্বোধন কৰি অসম প্ৰদেশ কংগ্ৰেছ কমিটীৰ সভাপতি ৰিপুণ বৰাই দাবী কৰে যে বিজেপিৰ অপপ্ৰচাৰ, অপশাসন আৰু নাগৰিকত্ব সংশোধনী বিধেয়কৰ বাবে ৰাইজে বৰ্তমান কংগ্ৰেছৰ পিনে ঢাল খাইছে আৰু বিজেপিৰ বিকল্প হিচাপে কংগ্ৰেছক গ্ৰহণ কৰিছে

বৰপেটা,19 এপ্ৰিলঃ অসম প্ৰদেশ কংগ্ৰেছৰ সভাপতি ৰিপুণ বৰাই বৰ্তমানলৈ সমাপ্ত হোৱা দহটা সমষ্টিৰ ভিতৰত 8 খন আসন পোৱাৰ উপৰি তৃতীয় পর্যায়ত হ'ব লগা নামনি অসমৰ চাৰিটা সমষ্টিটো কংগ্ৰেছ দলে বিজয় সাব্যস্ত কৰিব বুলি দাবী কৰে । বৃহস্পতিবাৰে বৰপেটাৰোড প্ৰেছ ক্লাৱত এখন সংবাদ মেল সম্বোধন কৰি অসম প্ৰদেশ কংগ্ৰেছ কমিটীৰ সভাপতি ৰিপুণ বৰাই দাবী কৰে যে বিজেপিৰ অপপ্ৰচাৰ,অপশাসন আৰু নাগৰিকত্ব সংশোধনী বিধেয়কৰ বাবে ৰাইজে বৰ্তমান কংগ্ৰেছৰ পিনে ঢাল খাইছে আৰু বিজেপিৰ বিকল্প হিচাপে কংগ্ৰেছক গ্ৰহণ কৰিছে ।

উল্লেখ্য যে বিজেপিয়ে জাক-জমকতা দেখুৱাৰ লগতে বিগত পাঁচ বছৰে অসমৰ হকে একো নকৰিলে বুলিও সংবাদমেলত অভিযোগ তুলি এ আই ইউ ডিএফৰ সভাপতি বদৰুদ্দিন আজমলকো সমালোচনা কৰা ৰিপুণ বৰাই আজমলক বিজেপিৰ পুতলা আখ্যা দিয়ে। ৰিপুণ বৰাৰ দাবী আজমলে ইমানদিনে সংখ্যালঘু ৰাইজক ঢাল হিচাপে ব্যৱহাৰ কৰি নিজৰ ব্যৱসায়িক সুৰক্ষাৰ বাবে বিজেপিৰ পুতলা হৈ কাম কৰি আহিছিল যদিও এইবাৰ আজমলে মুখঠেকেচা খাইছে।