বৰপেটা ৰোডত বদৰুদ্দিন আজমলৰ নিৰ্বাচনী সভা

এবছু আৰু এ আই ইউ ডি এফ সমৰ্থিত ইউ পি পি এলৰ প্ৰাৰ্থী উৰ্খাও গৌৰা ব্ৰহ্মৰ প্ৰতীক চিহ্ন ট্ৰেক্টৰেৰে হাগ্ৰামাৰ বিপিএফৰ প্ৰতীক নাঙলক এক ধাক্কা মাৰি দিলে এক হাজাৰ নাঙল ভাঙি যাবঃ বদৰুদ্দিন আজমল

বৰপেটা, 19 এপ্ৰিলঃ শুকুৰবাৰে ৫নং কোকৰাঝাৰ লোকসভা সমষ্টিৰ এবছু, এ আই ইউ ডি এফ সমৰ্থিত ইউ পি পি এল দলৰ প্ৰাৰ্থী উৰ্খাও গৌৰা ব্ৰহ্মৰ হৈ নিৰ্বাচনী প্ৰচাৰ সভাত অংশগ্ৰহন কৰে সাংসদ বদৰুদ্দিন আজমলে।

ভৱানীপুৰ বিধানসভা সমষ্টিৰ অন্তৰ্গত মাজগাঁওত অনুষ্ঠিত বিশাল নিৰ্বাচনী অংশগ্ৰহণ কৰি কোকৰাঝাৰত বিশ্ববিদ্যালয়, উদ্যোগ আনিম বুলি প্ৰতিশ্ৰুতি প্ৰদান কৰাৰ লগতে বিটিচিৰ পৰিষদীয় নিৰ্বাচনত হাগ্ৰামা মহিলাৰীক উচিত শিক্ষা দিয়া হ'ব হুংকাৰ দিয়ে ৷

আনহাতে বৰ্তমানৰ সাংসদ হীৰা শৰণীয়াক সমালোচনা কৰি কয় যে হীৰা শৰণীয়া আৰু প্ৰমীলা ৰাণী ব্ৰহ্মই শংকিত হৈ মোক সমালোচনা কৰিছে। উল্লেখ্য যে, নিৰ্বাচনী প্ৰচাৰ সভাত পুনৰ পানীৰ বতল জৰা ফুকা কৰিলে মৌলানা বদৰুদ্দিন আজমলে।