বৰপেটাৰ হাউলীত ধুমুহাৰ তাণ্ডৱ

সোমবাৰে অহা এজাক ধুমুহাই জোকাৰি গ'ল বৰপেটাৰ হাউলী অঞ্চল ৷ ধুমুহাৰ ফলত এতিয়ালৈকে কোনো লোক হতাহত হোৱা নাই যদিও হাউলীৰ কালঝাৰ, বৰবালা, মৌটুপুৰী, শুকমানাহ আদি অঞ্চলত যথেষ্ট ক্ষতিসাধন হয় ৷

বৰপেটা, ১৩ মেঃ সোমবাৰে অহা এজাক প্ৰচণ্ড ধুমুহাই জোকাৰি গ'ল বৰপেটাৰ হাউলী অঞ্চল ৷ বিধ্বংসী ধুমুহাৰ ফলত ঠায়ে ঠায়ে উভালি পৰে বহু গছ গছনি । আনকি হাউলী অঞ্চলৰ কেইবাটাও অঞ্চলত গছ-গছনি ভাঙি বিদ্যুত পৰিবাহী তাঁৰ ছিগি যোৱাৰ ফলত বিদ্যুৎ সংযোগ ব্যাহত হৈ পৰে ৷

ইপিনে হাউলীত বাহৰ প‍াতি থকা CRPF ৰ দশম বেটেলিয়ান কেম্পতো বিস্তৰ ক্ষতিসাধন কৰে ধুমুহাই । ধুমুহাৰ ফলত এতিয়ালৈকে কোনো লোক হতাহত হোৱা নাই যদিও হাউলীৰ কালঝাৰ, বৰবালা, মৌটুপুৰী, শুকমানাহ আদি অঞ্চলত বিস্তৰ ক্ষতি সাধন হোৱাৰ খবৰ পোৱা গৈছে ।