এটা অংগনবাদী কেন্দ্ৰই উদঙাইছে সমাজ কল্যাণ বিভাগৰ প্ৰকৃত ছবি

শিশুৰ শাৰীৰিক, মানসিক বিকাশৰ বাবে কাম কৰি অহা সমাজ কল্যাণ বিভাগৰ প্ৰকৃত ছবিখন উদঙাইছে বৰপেটা জিলাৰ মন্দিয়া সংহত শিশু উন্নয়ন প্ৰকল্পৰ অন্তৰ্গত এটি অংগনবাদী কেন্দ্ৰই ৷ কেন্দ্ৰটোৰ জহি-খহি যোৱা বাঁহেৰে নিৰ্মিত ঘৰটোৱে বহন কৰিছে ৰাজ্যত সমাজ কল্যাণ বিভাগৰ গুৰুত্ব কিমান ৷

জনীয়া, 10 মে':বৰপেটা জিলাৰ মন্দিয়া সংহত শিশু উন্নয়ন প্ৰকল্পৰ অন্তৰ্গত এটি অংগনবাদী কেন্দ্ৰ ৷ যিটো কেন্দ্ৰই উদঙাইছে সমাজ কল্যাণ বিভাগৰ প্ৰকৃত ছবিখন ৷ শিশুৰ শাৰীৰিক, মানসিক বিকাশৰ বাবে কাম কৰি অহা বিভাগটোৰ অন্তৰ্গত 408 নং সালেকুৰা অংগনবাদী কেন্দ্ৰটো পৰিণত হৈছে গোহালি ঘৰত ৷

কেন্দ্ৰটো প্ৰত্যক্ষ কৰিলে অনুমান কৰিব নোৱাৰিব এইটো অংগনবাদী কেন্দ্ৰ নে গোহালি ঘৰ ৷ জহি-খহি গৈছে কেন্দ্ৰটোৰ বাঁহেৰে নিৰ্মিত ঘৰটো ৷ বৃহত্তৰ অঞ্চলটোৰ বহু শিশুৱে প্ৰাক প্ৰাথমিক শিক্ষা লাভ কৰিবলগীয়া এই কেন্দ্ৰটোত তিলমাত্ৰাও নাই শিক্ষাৰ পৰিৱেশ ৷

ইয়াৰ উপৰিও অংগনবাদী কেন্দ্ৰটোত ব্যাপক অনিময়ৰ অভিযোগ দীৰ্ঘদিনীয়া । ৰাইজৰ অভিযোগ অনুসৰি কেন্দ্ৰটোৰ কৰ্মী জৰ্জিনা খাতুনে চৰকাৰৰ পৰা লাভ কৰা সকলো খাদ্য বস্তু নামমাত্ৰ বিতৰণ দেখুৱাই বাকীখিনি আত্মসাৎ কৰে। এই সম্পৰ্কে অভিভাৱক সকলে জানিব বিচাৰিলেও কোনো ধৰণৰ গুৰুত্ব নিদিয়ে ৷ ৰাইজে কেন্দ্ৰটোৰ বিৰুদ্ধে চিডিপিঅ' তথা সমাজ কল্যাণ বিভাগে অতিশীঘ্ৰে ন্যায়িক তদন্ত সাপেক্ষে বিহীত ব্যৱস্থা গ্ৰহণ কৰিবলৈ দাবী জনাইছে ।

লগতে পঢ়ক:ডিব্ৰুগড়ৰ ছল্টব্ৰুক একাডেমীৰ অধ্যক্ষৰ দেহাৱসান