ৰঙালী বিহুলৈ কেইটামান দিন: উচাহ নাই ঢোল বিক্রেতাৰ

বিগত বছৰ কৰ'ণা সৃষ্ট পৰিবেশৰ কাৰণে অনুষ্ঠিত নহ’ল বিহু অথবা সাংস্কৃতিক অনুষ্ঠানসমূহ । এইবাৰো যেন চিন্তিত হৈ পৰিছে একাংশ শিল্পীৰ লগতে বিহুৰ লগত জড়িত সামগ্ৰীৰ বিক্ৰেতা সকল ৷ ক’ৰণা মহামাৰীৰ বিহু উদযাপন কৰিব পাৰিব নে নাই তাক লৈও চিন্তিত হৈ পৰিছে অসমবাসী ৷

বৰপেটা,8 এপ্ৰিল: অসমীয়া আবেগ ৰঙালী বিহুলৈ মাজত আৰু কেইটামান দিন। চেনেহৰ ৰঙালী বিহুটি আদৰিবলৈ ঠায়ে ঠায়ে চলিছে বিভিন্ন প্ৰস্তুতি। সাংস্কৃতিক সন্ধিয়াৰ শিল্পী সকলো ব্যস্ত হৈ পৰিছে আখৰা গৃহ সমূহত । বিগত বছৰ কৰ'ণা সৃষ্ট পৰিবেশৰ কাৰণে অনুষ্ঠিত কৰিব পৰা নগৈছিল বিহু অথবা সাংস্কৃতিক অনুষ্ঠান সমূহ। এইবাৰো যেন চিন্তিত হৈ পৰিছে একাংশ শিল্পীৰ লগতে বিহুৰ লগত জড়িত সামগ্ৰীৰ বিক্ৰেতা সকল ৷ ক’ৰণা মহামাৰীৰ বিহু উদযাপন কৰিব পাৰিব নে নাই তাক লৈও চিন্তিত হৈ পৰিছে অসমবাসী ৷ তাৰ মাজতে বিহু কমিটি সমূহে ইতিমধ্যে বিহু উদযাপন কৰিবলৈ প্ৰস্তুতি আৰম্ভ কৰা দেখা গৈছে ।

সম্প্ৰতি ৰাজ্যৰ কেইবাখনো জিলাত জিলা প্ৰশাসনে ক’ৰণা মহামাৰী সংক্ৰমণ ৰোধৰ বাবে 144 ধাৰা জাৰি কৰা দেখা গৈছে ৷ যাৰ ফলস্বৰূপে বিপাঙত পৰিছে বজালী জিলাৰ পাঠশালাৰ ঢোল বিক্রেতা সকল ৷ বিগত বছৰ ক’ৰণাৰ মহামাৰীৰ বাবে প্ৰায় লক্ষাধিক টকাৰ লোকচানৰ সম্মুখীন হ’ব লগা হৈছে ঢোল বিক্রেতা সকল । বিগত বছৰ সমূহত প্ৰায় বিশ, ত্ৰিশটাকৈ ঢোলৰ অৰ্ডাৰ লাভ কৰিছিল যদিও এইবছৰ দোকানত নাই গ্ৰাহকৰ ভিৰ ৷ যাৰ ফলত চিন্তিত হৈ পৰিছে ঢোল বিক্ৰেতা সকল ৷

লগতে পঢ়কঃ নাহৰৰ দেশত স্নাতকোত্তৰ ছাত্ৰ একতা সভাৰ নিৰ্বাচন