জনীয়া, 14 জুন : কলগাছিয়াৰ আমগুৰিত গড়কাপ্তানী পথ মেৰামতিৰ কামত ব্যাপক দুৰ্নীতি সংঘটিত হোৱাৰ অভিযোগ উত্থাপন হৈছে ৷ জনীয়া সমষ্টিৰ কলগাছিয়াৰ পৰা আমগুৰি হৈ কৰাৰকুৰলৈ যোৱা গড়কাপ্তানী পথটো মেৰামতি কৰাৰ ক্ষেত্ৰত ঠিকাদাৰ ফজল হকে বিয়াগোম দুৰ্নীতি সংঘটিত কৰাৰ অভিযোগ উত্থাপন কৰিছে স্থানীয় ৰাইজে ৷ পথচোৱাৰ মেৰামতিৰ নামত 2020/21 বৰ্ষৰ এছডিআৰএফ (SDRF) আঁচনিৰ অধীনত 17 লাখ টকা চৰকাৰে আৱণ্টন দিয়ে ৷ কিন্তু ঠিকাদাৰজনে সামান্য কাম কৰি সিংহভাগ টকা আত্মসাৎ কৰা বুলি ৰাইজে অভিযোগ কৰিছে ।
কলগাছিয়াত গড়কাপ্তানী পথ মেৰামতিৰ কামত ব্যাপক দুৰ্নীতিৰ অভিযোগ
আনহাতে, পথচোৱা মেৰামতিৰ কাম চলি থকা অৱস্থাত ঠিকাদাৰ আৰু বিধায়ক হাফিজ ৰফিকুল ইছলামৰ ঘনিষ্ঠৰ নিৰ্দেশমৰ্মে অতি নিম্নমানেৰে কাম কৰাৰ অভিযোগ উত্থাপন কৰিছে অঞ্চলটোৰ ৰাইজে ৷ ইফালে মেৰামতিৰ দুমাহ নৌহওঁতেই পথটো জহি-খহি যোৱাত যাতায়াতৰ ক্ষেত্ৰত সৰ্বসাধাৰণ ৰাইজে নৰক যন্ত্ৰণাত ভূগিবলগা হৈছে ।