জনীয়া, 25 জুন : খকে লগ এৰা নাই ৰাজ্যৰ একাংশ দুৰ্নীতিগ্ৰস্ত চৰকাৰী বিষয়াক ৷ পাৰ্যমানে আনৰ বস্তুলৈহে চকু যায় একাংশ চৰকাৰী বিষয়াৰ ৷ অৱশ্যে অসম আৰক্ষী তথা দুৰ্নীতি নিবাৰক শাখাই বিভিন্ন সময়ত বহু দুৰ্নীতিগ্ৰস্ত চৰকাৰী বিষয়া-কৰ্মচাৰীক আটক কৰিছে যদিও নাকি লগাবলৈ সক্ষম হোৱা নাই ৷ এইবাৰ দুৰ্নীতিৰ অভিযোগ উত্থাপন হৈছে কলগাছিয়াৰ বালিকুৰি আঞ্চলিক হাইস্কুলৰ প্ৰধান শিক্ষক লালমামুদৰ বিৰুদ্ধে ৷
জানিব পৰা মতে, চৰকাৰে দিয়া বিনামূলীয়া চাউল নিৰ্ধাৰিত জোখতকৈ কম কৈ খৰচ কৰে কলগাছিয়াৰ বালিকুৰি আঞ্চলিক হাইস্কুলৰ প্ৰধান শিক্ষক লালমামুদে ৷ বাকী থকা চাউলখিনি আত্মসাৎ কৰে প্ৰধান শিক্ষক লালমামুদে ৷ এই কথা গম পাই পৰিচালনা সমিতিৰ একাংশ সদস্যৰ লগতে পৰিচালনা সমিতিৰ সভাপতিগৰাকীয়ে শিক্ষা বিষয়াক অৱগত কৰে ৷ এই বিষয়ে শিক্ষা বিষয়াগৰাকীয়ে জানিব পৰা পাচতে শনিবাৰে উপস্থিত হয় বিদ্যালয়খনত আৰু আৰম্ভ কৰে তদন্ত ৷
আনহাতে, অভিযোগ অনুসৰি বিদ্যালয় পৰিচালনা সমিতিৰ সভাপতি মাজিদুল ইছলামক অন্ধকাৰত ৰাখি প্ৰধান শিক্ষক লালমামুদে নিজা মৈমতালিৰে আন্তঃগাঁথনিৰ টকা আত্মাসাৎ কৰাৰ অভিযোগ উত্থাপিত হৈছে ৷ লগতে বিদ্যালয়খনৰ প্ৰধান শিক্ষক লালমামুদে অভিভাৱক অভিভাৱিকাসকলকো দু-ব্যৱহাৰ কৰাৰ অভিযোগ উত্থাপিত হৈছে ৷