জনীয়া, ১৪ মে':বৰপেটা জিলাৰ কলগাছিয়া ৰাজহ চক্ৰৰ অন্তৰ্গত তাপেশ্বৰা আৰু নদিয়াপাৰা গাঁৱৰ গাওঁ প্ৰধান ইছমাইল হুছেইনৰ বিৰুদ্ধে উত্থাপিত হৈছে কেইবাটাও অভিযোগ । চৰকাৰী সাহায্য আহে যদিও সকলো আত্মসাৎ কৰাৰ চেষ্টা গাওঁ প্ৰধান ইছমাইল হোছেইৰ (Village head of Tapeshwara village)। চাৰ্টিফিকেট লোৱাৰ সময়ত দিব লগা হয় টকা । ’ডি’ ভোটাৰসকলৰ সমস্যা সমাধানৰ ক্ষেত্ৰতো ধন সংগ্ৰহ কৰাৰ অভিযোগ উক্ত গাঁও দুখনৰ গাঁও প্ৰধান ইছমাইল হুছেইনৰ বিৰুদ্ধে (Scam in Kalgachia against Village Head) ।
বিভিন্ন সময়ত চৰকাৰে যোগান ধৰা মাটি মাহ, ঘেঁহু, মাকৈ, বাদাম আদিৰ বীজসমূহ খেতিয়ক ৰাইজৰ মাজত বিতৰণ নকৰি ঘৰতে মজুত কৰি ৰখা বুলি একাংশই অভিযোগ উত্থাপন কৰিছে । ইপিনে, বিভিন্ন অভিযোগ উত্থাপন হোৱাৰ পিচতো একে গাঁওৰ একাংশ লোকে আকৌ গাঁও প্ৰধানৰ পক্ষে থিয় দিছে । অভিযোগ উত্থাপনকাৰীসকলৰ বিৰুদ্ধে সৰৱ হৈ একাংশ লোকে কঠোৰ ভাষাৰে তীব্ৰ সমালোচনা কৰি কয় যে যিবোৰে গাঁও প্ৰধানৰ বিৰুদ্ধে যিসকলে অভিযোগ উত্থাপন কৰিছে এই সকলে প্ৰত্যক্ষ আৰু পৰোক্ষ ভাৱে গাওঁ প্ৰধানক সমাজত হেয় প্ৰতিপন্ন কৰিব বিচাৰিছে ।