বৰপেটা,৮ মাৰ্চঃ সৎ চিন্তা, সৰল জীৱন-যাপনেৰে সমাজ আৰু দহৰ মংগল সাধনাত জীৱন উছৰ্গিত কৰি অহা অক্ষয় কুমাৰ মিশ্ৰৰ প্ৰতি বৰপেটাবাসীৰ শ্ৰদ্ধা, সন্মান আৰু ভালপোৱা অসীম ৷ ঋষিসদৃশ ব্যক্তিত্বৰ অধিকাৰী সাহিত্যিকগৰাকীৰ জন্মদিনৰ প্ৰাকসন্ধ্যা বৰপেটা প্ৰেছ ক্লাৱৰ উদ্যোগত অনুষ্ঠিত কৰা হয় এখন গাম্ভীৰ্যপূৰ্ণ সভা ৷ সভাত অক্ষয় কুমাৰ মিশ্ৰৰ এখন অভিনন্দন গ্ৰন্থ উন্মোচন কৰা হয় ৷ শুভজ্যোতি দাসৰ সম্পাদনাত প্ৰকাশ কৰা গ্ৰন্থখন উন্মোচন কৰে বৰপেটাৰ বিধায়ক গুণীন্দ্ৰ নাথ দাস, লেখক ৰবেন্দ্ৰ কুমাৰ দাস, ডাঃ মাখনলাল দাস আদি বিশিষ্ট ব্যক্তিসকলে ৷ প্ৰায় ডেৰ শতাধিক সাহিত্যিক, লেখক, বুদ্ধিজীৱী, ছাত্ৰ আৰু অনুৰাগীয়ে ব্যক্তিগৰাকীৰ সান্নিধ্য আৰু জীৱন সম্পৰ্কীয় লেখনিৰে চাৰিশ পৃষ্ঠাজোৰা অভিনন্দন গ্ৰন্থখন প্ৰকাশৰ জৰিয়তে মিশ্ৰক ৰাজহুৱাভাৱে জন্মদিনৰ অভিনন্দন জনায় ৷
অক্ষয় কুমাৰ মিশ্ৰৰ ৭৫সংখ্যক জন্মদিন পালন