বিধায়ক পদ্ম হাজৰিকাৰক সমালোচনা হাফিজ ৰফিকুল ইছলামৰ

যোৱা ৩১ জুলাইত চতিয়াৰ বিধায়ক পদ্ম হাজৰিকাই হাতত বন্ধুক লৈ সাধাৰণ লোকক ভয়-ভাবুকি প্ৰদান কৰাৰ অভিযোগেৰে বিধায়ক গৰাকীক সমালোচনা কৰিলে জনীয়াৰ বিধায়ক ড৹ হাফিজ ৰফিকুল ইছলামে ।

জনীয়া,৩আগষ্ট: জনীয়া সমষ্টিৰ বিধায়ক ড৹ ৰফিকুল ইছলামে কয় যে, বিশ্বনাথ জিলাৰ জামুগুৰিহাটৰ চকিঘাটত সংঘটিত হোৱা অপ্ৰীতকৰ ঘটনাটোৰ আলমত বিধায়ক পদ্ম হাজৰিকাই হাতত বন্ধুক তুলি লোৱা কাৰ্য কেতিয়াও সমৰ্থন যোগ্য হ'ব নোৱাৰে ।

জামুগুৰিহাটৰ চকিঘাটত সংঘটিত হোৱা অপ্ৰীতকৰ ঘটনাৰ লগত জড়িত দোষীক কৰায়ত্ত কৰাৰ লগতে উচিত শাস্তিৰ দাবী কৰিলে বিধায়ক ৰফিকুল ইছলামে । ইয়াৰ লগতে বিধায়ক ইছলামে চতিয়াৰ বিধায়ক পদ্ম হাজৰিকাই হাতত বন্দুক তুলি লোৱা কাৰ্যক অগণতান্ত্ৰিক আখ্যা দি বিষয়টোত ৰাজ্যৰ মুখ্যমন্ত্ৰীৰ হস্তক্ষেপ কামনা কৰিলে।

লগতে এই ঘটনাৰ পিছত পৰিস্থিতি নিয়ন্ত্ৰণ কৰাৰ ব্যৱস্থা নকৰি বিধায়ক মৃণাল হাজৰিকাই ঘটনাক লৈ অধিক উচটনি যোগাবলৈহে চেষ্টা কৰা বুলি কৈ মৃণাল হাজৰিকাকো কটাক্ষ কৰিলে বিধায়ক ইছলামে ।