জনীয়া, ৩০ ডিচেম্বৰ: কেন্দ্ৰীয় চৰকাৰে সংশোধিত আৰু প্ৰণিত কৰা ৩ খনকৈ কৃষি আইন বাতিলৰ দাবীত বৰপেটাৰ জনীয়াত প্ৰতিবাদী জনসভাৰ আয়োজন কৰিলে নিখিল ভাৰত কৃষক সভাৰ ৰূপসী আঞ্চলিকে । বুধবাৰে জনীয়াৰ খৰিচলা বজাৰত এই প্ৰতিবাদী কাৰ্যসূচী ৰূপায়ণ কৰে সংগঠনটোৱে । প্ৰতিবাদী জনসভাৰ সভাপতিত্ব কৰে ৰূপসী আঞ্চলিক কৃষক সভাৰ সভাপতি সৰ্বানন্দ বৰ্মনে । দিল্লীত অব্যাহত থকা কৃষক আন্দোলনৰ সমৰ্থনত এই জনসভা অনুষ্ঠিত কৰা হয় ।
প্ৰতিবাদী জনসভাত নিখিল ভাৰত কৃষক সভাৰ ৰাজ্যিক সম্পাদক টিকেন দাস, বৰপেটা জিলা সম্পাদক আজিজুৰ ৰহমান, ৰাজ্যিক সদস্য শ্বেইখ আমজাদ হুছেইন, কৃষক সভাৰ জিলা পৰিষদৰ সদস্য শ্বাহজাহান আলী, কলগাছিয়া আঞ্চলিক কমিটীৰ সম্পাদক চান মামুদ আহমেদ উপস্থিত থাকে । উল্লেখ্য যে, যোৱা ২৬ নৱেম্বৰৰ পৰা দিল্লী সীমান্তৰ কেইবাটাও স্থানত ৩ খনকৈ কৃষি আইনৰ বিৰুদ্ধে প্ৰতিবাদ সাব্যস্ত কৰি আছে পঞ্জাৱ, হাৰিয়ানাকে ধৰি দেশৰ ভিন্ন প্ৰান্তৰ কৃষকে ।