বৰপেটা, 1 অক্টোবৰ : বৰপেটাৰ নগাঁৱত সংঘটিত হৈছে ভয়াবহ পথ দুৰ্ঘটনা ৷ নগাঁৱৰ ৰায়তপাৰাত এটা কেঁকুৰি পাৰ হ'বলৈ লওতেই এখন যাত্ৰীবাহী মেক্সিম' গাড়ী দুৰ্ঘটনাত পতিত হয় ৷ কামৰূপ জিলাৰ ক্ষেত্ৰীৰ পৰা কলগাছিয়ালৈ 15 জন লোকে ভাড়া কৰি লৈ যোৱা গাড়ীখন দুৰ্ঘটনাত পতিত হোৱাত আটাইকেইজন আৰোহী আহত হৈছে ৷ ইপিনে আহতসকলৰ ভিতৰত এটি শিশুকে ধৰি তিনিজনৰ অৱস্থা সংকটজনক বুলি জানিব পৰা গৈছে ৷ সংকটজনক অৱস্থাত যুধিষ্ঠিৰ (34), মতিলাল দাস (45) ৰ লগতে দহ বছৰীয়া শিশুটিক GMCH লৈ প্ৰেৰণ কৰা হৈছে ৷
বৰপেটাত দুৰ্ঘটনাগ্ৰস্ত বাহন দুৰ্ঘটনাটোত আহতসকলৰ ভিতৰত আছে 5 টাকৈ শিশু আৰু কিশোৰ-কিশোৰী ৷ আহতসকলক বৰপেটা মেডিকেল কলেজ হাস্পিতালত ভৰ্তি কৰোৱা হৈছে ৷ আহতসকল হৈছে আশা মণ্ডল (22), বাসন্তী ৰয় (60), ভৱানী মণ্ডল (13), দিলীপ দাস (26), কৃষ্ণ মণ্ডল (24), সংগীতা মণ্ডল (11), সবিতা মণ্ডল (26), ৰেখা মণ্ডল (50), হালানি মল্লিক (60), ৰতন মণ্ডল (35), সুজিৎ মণ্ডল (14) আৰু ভৱানী মণ্ডল (13) ৷ উল্লেখ্য যে, এই লোকসকলে ক্ষেত্ৰীৰ পৰা বৰপেটাৰ কলগাছিয়ালৈ কোনো ধৰ্মীয় অনুষ্ঠানত অংশগ্ৰহণ কৰিবৰ বাবে গৈছিল ৷ দুৰ্ঘটনাত পতিত মেক্সিম' খনৰ নম্বৰ AS 25 DC 4860 ৷
