জনীয়া,22 জানুৱাৰী: স্বাধীন ভাৰতৰ 72 সংখ্যক গণতন্ত্ৰ দিৱসলৈ মাজত মাথো 4 টা দিন বাকী ৷ গণতন্ত্ৰ দিৱস উদযাপন কৰিবলৈ এতিয়া সমগ্ৰ দেশৰ সামান্তৰালভাৱে অসমতো দেখা গৈছে ব্যাপক প্ৰস্তুতি ৷ ইয়াৰ মাজতে দেশৰ জাতীয় পতাকা প্ৰস্তুত কৰাত ব্যস্ত হৈ পৰিছে কলগাছিয়াৰ দৰ্জী পিয়াৰ আলী ৷ জীৱনৰ 27 টা বছৰ ধৰি জাতীয় পতাকা তৈয়াৰ কৰি অহা এই গৰাকী দৰ্জী এতিয়া ভীষণ ব্যস্ত হৈ পৰিছে গণতন্ত্ৰ দিৱসৰ বাবে জাতীয় পতাকা প্ৰস্তুত কৰাত ৷ উল্লেখ্য যে, কলগাছিয়া বজাৰত দৰ্জীৰ কাম কৰি জীৱিকা নিৰ্বাহ কৰা পিয়াৰ আলীয়ে জাতীয় পতাকা প্ৰস্তুত কৰি ভাল পোৱাৰ লগতে গৌৰৱ অনুভৱ কৰে ৷ জীৱনৰ প্ৰথম অৱস্থাত দুই-চাৰিখন পতাকা চিলাই কৰি বিক্ৰী কৰা পিয়াৰ আলীয়ে পাছলৈ 26 জানুৱাৰী আৰু 15 আগষ্ট আহিলেই প্ৰস্তুত কৰি উলিয়াই ভাৰতৰ তিনি বৰণীয়া জাতীয় পতাকাখন ৷
27 বছৰে দেশৰ জাতীয় পতাকা প্ৰস্তুত কৰি অহা কলগাছিয়াৰ এজন বিশেষ দৰ্জী