প্ৰেমিকাক লগ ধৰিবলৈ আহি গণৰোষত যুৱক

প্ৰেমিকাক দেখা কৰিবলৈ গৈ গণ প্ৰহাৰৰ বলি হ’ল এগৰাকী যুৱক ৷ এই ঘটনা সংঘটিত হৈছে বৰপেটা জিলাৰ কলগাছিয়া থানাৰ অন্তৰ্গত বলাইপথাৰত ৷

জনীয়া, 21 অক্টোবৰ :প্ৰেম ৷ দুটা আখৰৰ এই শব্দটি একাংশৰ বাবে ৰোমাঞ্চকৰ হোৱাৰ বিপৰীতে একাংশৰ বাবে হৈ পৰে ডিঙিৰ হাৰ মাল ৷ এইবাৰ প্ৰেমিকাক দেখা কৰিবলৈ গৈ গণ প্ৰহাৰৰ বলি হ’ল এগৰাকী যুৱক ৷ সকলো ঠিকেই আছিল, পিছে যুৱকৰ প্ৰেমিকাহে বোলে দুটি সন্তানৰ মাতৃ ৷ এয়াতেই লাগিল কেণা ৷

এই ঘটনা সংঘটিত হৈছে বৰপেটা জিলাৰ কলগাছিয়া থানাৰ অন্তৰ্গত বলাইপথাৰত ৷ ৰাইজৰ চকুত ধূলি মাৰি এগৰাকী যুৱকে দীৰ্ঘদিনে সম্পৰ্ক ৰক্ষা কৰি আহিছিল এগৰাকী মহিলাৰ সৈতে৷ মহিলাগৰাকীৰ স্বামী কৰ্মসূত্ৰে গুৱাহাটী মহানগৰীত থাকে ৷ তাৰেই পূৰ্ণ সুযোগ লৈ মহিলাগৰাকীৰ সৈতে গোপনে প্ৰেমৰ সম্পৰ্ক ৰক্ষা কৰি আহিছিল যুৱকজনে ৷

কিন্তু এই ঘটনাৰ খবৰ লাভ কৰে স্থানীয় ৰাইজে ৷ বিগত তিনি মাহে কলগাছিয়াৰ হালধীয়া গাঁৱৰ বাসিন্দা খাইৰুল ইছলামক অৱশেষত স্থানীয় ৰাইজে কৰায়ত্ত কৰি উত্তম-মধ্যম শোধায় ৷

ঘৰত কোনো নথকাৰ সুযোগতে খাইৰুলে লগ ধৰিবলৈ আহিছিল প্ৰেমিকাৰূপী দুই সন্তানৰ মাতৃক ৷ কিন্তু দিন বেয়া হোৱাৰ বাবে মাৰধৰ খাবলগীয়া হ’ল খাইৰুলে ৷ পৰৱৰ্তী সময়ত যুৱকজনক কলগাছিয়া আৰক্ষীক গতাই দিয়ে ৰাইজে ৷

লগতে চাওক:কণ্ঠশিল্পী দেৱজিত বৰাক 'চলা গ্ৰাম্য অভয়াৰণ্য'ৰ ব্ৰেণ্ড এম্বেছাদৰ ঘোষণা