Man missing from Barpeta: দুমাহ ধৰি সন্ধানহীন স্বামী, কান্দোনত ভাগি পৰিছে পত্নী-দুই সন্তান

"মোৰ স্বামীক বিচাৰি দিয়ক আপোনালোকে" ৷ কান্দি কান্দি ৰাইজলৈ এই আহ্বান এগৰাকী দুৰ্ভগীয়া পত্নীৰ ৷ হাজিৰা কাম কৰি পৰিয়াল পোহপাল দিয়া স্বামী বিগত ১৬ মে'ৰ পুৱা কামৰ সন্ধানত ঘৰৰ পৰা ওলাই গৈছিল বৰপেটা চহৰলৈ ৷ কিন্তু আজিকোপতি ঘূৰি নাহিল নিজ ঘৰখনলৈ ৷ কান্দোনত ভাগি পৰিছে পৰিয়াবৰ্গ ৷

বৰপেটা, 20 জুলাই:দুমাহ ধৰি সন্ধানহীন বৰপেটা জিলাৰ জনিয়াৰ এজন লোক (A man from Jania has been missing from two months)৷ কান্দোনত ভাগি পৰিছে পৰিয়াবৰ্গ ৷ সন্ধানহীন হোৱা লোকজনৰ নাম প্ৰাণজিৎ ৰাজবংশী ৷ হাজিৰা কাম কৰি পৰিয়াল পোহপাল দিয়া প্ৰাণজিৎ ৰাজবংশী যোৱা ১৬ মে'ৰ পুৱা কামৰ সন্ধানত ঘৰৰ পৰা ওলাই গৈছিল বৰপেটা চহৰলৈ ৷ তাৰ পিছত আজি পৰ্যন্ত ঘৰলৈ উভতি নাহিল প্ৰাণজিৎ ৰাজবংশী ৷

উল্লেখ্য যে, বিগত দুমাহ ধৰি সন্ধানহীন হোৱা প্ৰাণজিৎ ৰাজবংশীৰ সন্ধান নোপোৱাত চকুলো বৈছে পত্নী তথা কণমানি দুই কন্যা সন্তানৰ লগতে বৃদ্ধ পিতৃ-মাতৃৰ ৷ পৰিয়াবৰ্গৰ কেৱল এটাই প্ৰশ্ন- কেতিয়া ঘৰলৈ উভতি আহিব প্ৰাণজিৎ ?

ইপিনে, বৰপেটা সদৰ থানাত নিৰুদ্দেশ হোৱা স্বামীৰ সন্ধানত এজাহাৰ দাখিল কৰিছে পত্নীয়ে ৷ কিন্তু বৰ্তমান পৰ্যন্ত লোকজনৰ কোনো সন্ধান উলিয়াৱলৈ সক্ষম হোৱা নাই আৰক্ষীয়ে ৷ কোনো সদাশয় ব্যাক্তিয়ে যদি লোকজনৰ কিবা সম্ভেদ লাভ কৰে তেন্তে ওচৰৰ আৰক্ষী চকী অথবা ৮৮২২ ৩৩ ৯২৬৯ নম্বৰৰ মোবাইল ফোনত পৰিয়ালক অৱগত কৰিবলৈ ৰাইজলৈ আহ্বান দুৰ্ভগীয়া পত্নীৰ ৷

লগতে পঢ়ক:Assam youth missing: কৰ্মৰ সন্ধান বিচাৰি গৈ সন্ধানহীন হ’ল লখিমপুৰৰ দেৱজ্যোতি