ভেলেঙী নৈৰ তীব্ৰ সোঁতত উটি গ'ল এজন যুৱক

বৰপেটা জিলাৰ বাঘবৰ সমষ্টিৰ মন্দিয়াৰ ১নং বৰদলনী গাঁৱত নিশা ঘটে অঘটন ৷ বানে ছিঙি নিয়া পথ পাৰ হবলৈ গৈ সন্ধানহীন হয় বাকেছ আলী নামৰ যুৱক এজন

বৰপেটা,30 জুলাই :

• ভেলেঙী নদীৰ বাঢ়নি পানীয়ে উটুৱাই নিছিল বৰপেটা জিলাৰ বাঘবৰ সমষ্টিৰ বৰদলনী-মন্দিয়া সংযোগী পথটো
• এতিয়াও পথটোৰে বৈ আছে ভেলেঙী নৈৰ তীব্ৰ সোঁত
• সোমবাৰে নিশা ১নং বৰদলনী গাঁৱত নিশা ঘটে অঘটন
• নিশা মন্দিয়াৰ পৰা ঘৰলৈ গৈ থকা বাকেছ আলী নামৰ যুৱকজনে নাও নাপাই পথটোৰ ছিঙা অংশ সাতুৰি পাৰ হবলৈ বাধ্য হয়
• ফলত নৈৰ তীব্ৰ সোঁতে উটুৱাই নিয়ে যুৱকজনক
• স্থানীয় লোকে যুৱকজন উটি যোৱাৰ খবৰ পাই নিশাই যুৱকজনৰ উদ্ধাৰ অভিযান চলায় যদিও গাঁওবাসীয়ে নাপালে কোনো সন্ধান
• ইপিনে মঙলবাৰে পুৱাৰেপৰা SDRF বাহিনীয়ে যুৱকজনৰ সন্ধানত চলাই আছে উদ্ধাৰ অভিযান
• পিছে এতিয়ালৈকে পোৱা নাই যুৱকজনৰ সন্ধান
• স্থানীয় গাঁওবাসীয়ে জনোৱা মতে, পথটোৰ চিঙা অংশ ইপাৰ-সিপাৰ হবলৈ সন্ধিয়া ৭ বজাৰ পৰা নাথাকে কোনো নাৱৰ ব্যৱস্থা
• ফলত মৰণত শৰণ দি সাতুৰি পাৰ হব লাগে পথটোৰ ছিঙা অংশটো