Suicide at Barsala: বিহপান কৰি আত্মহত্যা নৱম শ্ৰেণীৰ ছাত্ৰী

ৰাজ্য়ত বৃদ্ধি পাইছে আত্মহত্যাৰ ঘটনা । নৱপ্ৰজন্মৰ মাজত আত্মহত্যাৰ প্ৰৱণতা যথেষ্ট পৰিমাণে বৃদ্ধি পোৱা দেখা গৈছে । এইবাৰ বঙাইগাঁৱৰ বৰচলাৰ এগৰাকী নৱম শ্ৰেণীত অধ্যয়নৰত ছাত্ৰীৰ আত্মহত্য়াই চাঞ্চল্যৰ সৃষ্টি কৰিছে সমগ্ৰ অঞ্চলত (Class IX student commits suicide) ।

জনীয়া,২৬ জুলাই: এগৰাকী ছাত্ৰীৰ আত্মহত্যাৰ ঘটনাই জোকাৰিছে বঙাইগাঁৱৰ বৰৈচালা(Suicide at Barasala in Bongaigaon) । বিহপান কৰি আত্মহত্যা কৰে নৱম শ্ৰেণীত অধ্যয়নৰত ছাত্ৰীগৰাকীয়ে(Class IX student commits suicide) । মাতৃয়ে পঢ়াৰ বাবে হেঁচা দিয়াৰ বাবেই আত্মহত্যা কৰা বুলি সন্দেহ কৰে ছাত্ৰীগৰাকীৰ আত্মীয়ই ।

বঙাইগাঁও জিলাৰ বৰৈচালা গাঁৱৰ এগৰাকী কিশোৰীয়ে মঙলবাৰে পুৱা প্ৰায় ৮ মান বজাত বিদ্যালয়লৈ যোৱাৰ সময়ত গোপনে বিহপান কৰে । পিছ মূহুৰ্তত ছাত্ৰী গৰাকীৰ মুখেৰে তেজ ওলোৱা প্ৰত্যক্ষ কৰি ততাতৈয়াকৈ পৰিয়ালৰ লোকে বৰপেটা অসামৰিক চিকিৎসালয় কলগাছিয়াত ভৰ্তি কৰে যদিও চিকিৎসকে মৃত্যু বুলি ঘোষণা কৰে ।

উল্লেখ্য যে, ইয়াৰ পূৰ্বেও চলিত মাহৰ ১৭ তাৰিখে মাতৃয়ে পঢ়াৰ বাবে হেঁচা দিয়াত ছাত্ৰী গৰাকীয়ে নদীত জাঁপ দি আত্মহত্যা কৰাৰ চেষ্টা কৰিছিল যদিও ৰাইজে উদ্ধাৰ কৰিছিল । ছাত্ৰীগৰাকীৰ অকাল মৃত্যুত অঞ্চলজুৰি এক শোকাকুল পৰিৱেশে বিৰাজ কৰিছে ।

লগতে পঢ়ক:Seleng Tea Estate accident : মইনা নায়কৰ দৰেই আন এজন কিশোৰ শ্ৰমিক আহত দুৰ্ঘটনাত