বৰপেটা ১০ আগষ্ট: শেহতীয়াকৈ বৰপেটা চিকিৎসা মহাবিদ্যালয় হাস্পতাল চৌহদত অবৈধভাৱে তেজৰ এক ব্যৱসায় চলি থকাৰ কথা পোহৰলৈ অহাত চিকিৎসালয় চৌহদত সৃষ্টি হৈছে চাঞ্চল্যৰ । এই কাৰ্যৰ লগত লগত জড়িত দুজন লোকক সোমবাৰে আটক কৰিলে বৰপেটা আৰক্ষীয়ে । ইয়াৰে এজন চিকিৎসালয়খনৰ ব্লাড বেংকত কৰ্মৰত চফিউল হুছেইন বুলি জানিব পৰা গৈছে । আটক হোৱা দ্বিতীয়জন লোক অবৈধভাৱে চলি থকা তেজৰ এই ব্যৱসায়ৰ লগত পূৰ্বৰে পৰা জড়িত মধ্যস্থতাকাৰী আৰমান খান বুলি জনালে আৰক্ষীয়ে ।
দেওবাৰে চিন্ময় দাস ওৰফে লেং নামৰ এজন মধ্যস্থতাকাৰীক গ্ৰেপ্তাৰ কৰিছিল আৰক্ষীয়ে আৰু এই চিন্ময় দাসৰ স্বীকাৰোক্তিৰ ভিত্তিতে সোমবাৰে বৰপেটা চিকিৎসা মহাবিদ্যালয় হাস্পতালৰ ব্লাড বেংকৰ কৰ্মচাৰী চফিউল হুছেইন আৰু আনজন মধ্যস্থতাকাৰী আৰমান খানক আৰক্ষীয়ে গ্ৰেপ্তাৰ কৰে ।
তেজৰ ব্যৱসায়ৰ লগত জড়িত ব্লাড বেংকৰ এজন কৰ্মচাৰীকে ধৰি তিনিজনক আটক