বৰপেটা, 8 ছেপ্তেম্বৰ :নামনি অসমৰ সত্ৰ নগৰী হিচাপে খ্যাত বৰপেটা ৷ অসমৰ ইতিহাসত নিগাজী স্থান আছে বৰপেটাৰ ৷ এইখন জিলাতে মহাপুৰুষ শ্ৰীমন্ত শংকৰদেৱৰ লগতে মহাপুৰুষ মাধৱদেৱে সত্ৰ স্থাপন কৰি ইয়াৰ মৰ্যাদা দুগুণে বৃদ্ধি কৰি থৈ গৈছে ৷
বুধবাৰৰ দিনটোত সমগ্ৰ ৰাজ্যজুৰি পালন কৰা হৈছে গুৰুজনা শ্ৰীমন্ত শংকৰদেৱৰ 453 সংখ্যক তিৰোভাৱ তিথি ৷ বৰপেটাৰ বহুকেইখন সত্ৰত পালন কৰা হৈছে গুৰুজনাৰ তিথি ৷ মহাপুৰুষ শংকৰদেৱে বৰপেটাত স্থাপন কৰা পাটবাউসী সত্ৰতো পালন কৰা হৈছে গুৰুজনাৰ তিথি ৷
পাটবাউসী সত্ৰৰ বাহিৰৰ দৃশ্য পূৰ্বে 10 দিনীয়াকৈ গুৰুজনাৰ তিথি পালন কৰা সত্ৰখনে এইবেলি এই কাৰ্যসূচী অনুষ্টুপীয়াকৈ পালন কৰাৰ সিদ্ধান্ত গ্ৰহণ কৰিছে ৷
গুৰুজনাৰ 453 সংখ্যক তিৰোভাৱ তিথি পালন গুৰুজনাৰ লগতে প্ৰিয় শিষ্য মাধৱদেৱ, হৰিদেৱ আৰু দামোদৰদেৱৰ লগতে অনেক শিষ্যৰ মিলনভূমি পাটবাউসীক কেন্দ্ৰ কৰিয়েই অসমত ভক্তি আন্দোলনে পূৰ্ণতা পাইছিল ৷ পাটবাউসীত সত্ৰ পাতি গুৰুজনাই ১৮ বছৰ ৬ মাহ কাল অতিবাহিত কৰি অসম-কোচবিহাৰত সত্ৰ স্থাপনত আগভাগ লৈছিল ৷
গুৰুজনাই লিখা সাঁচিপাতৰ পুথি এই পাটবাউসী সত্ৰতে মহাপুৰুষ শংকৰদেৱৰ সাঁচিপাতত কৰা ৰচনাসমূহৰ লগতে ব্যৱহাৰ কৰা পীৰাখনো সংৰক্ষিত আছে ৷ পাটবাউসী সত্ৰত গুৰুজনাই ব্যৱহাৰ কৰা গা ধোৱা শিল, গুৰু পত্নী আই কালিন্দীৰ শয্যা, শয্যাৰ তুলা আদিকে ধৰি ব্যৱহাৰ কৰা অনেক সম্পদ সংৰক্ষিত হৈ আছে ৷
গুৰু পত্নী আই কালিন্দীৰ শয্যা তাৰোপৰি গুৰুজনাৰ দিনত ভাওনাত ব্যৱহৃত অনেক মুখা এতিয়াও সত্ৰখনত থকা দেখা গৈছে ৷ গুৰুজনাৰ অনেক অমূল্য সম্পদ সংৰক্ষিত হৈ থকা পাটবাউসী সত্ৰই অসমৰ সত্ৰীয়া সংস্কৃতিত সদায়েই অতুল্য স্থান লাভ কৰি আহিছে ৷
সাঁচিপাতত বিৰচিত ৰাম বিজয় নাট লগতে চাওক:দিহানামেৰে মুখৰিত ঢেকীয়াখোৱা বৰ নামঘৰ প্ৰাংগণ
