বাক্সাত অবৈধ কাঠ ফলা মিল জব্দ

বন বিভাগ আৰু এছ এছ বিৰ যৌথ অভিযানত উৎখাত অবৈধ কাঠফলা মিল

বাক্সা,6 ছেপ্তেম্বৰঃ বাক্সা জিলাৰ কুমাৰীকাটাৰ বনাঞ্চলিক কাৰ্যালয়ৰ অন্তৰ্গত বাহবাৰীৰ চোছামাৰাত অবৈধ কাঠফলা মিলসহ লক্ষাধিক টকাৰ কাঠৰ কুণ্ডা জব্দ । এক গোপন সূত্ৰৰ পম খেদি বন বিভাগ আৰু বিহঙ্গপুৰস্থিত ২৪ নং এছ এছ বি বাহিনীয়ে যৌথ ভাৱে অভিযান চলাই উৎখাত কৰে অবৈধ কাঠফলা মিল । কিন্তু,বন বিভাগ আৰু এছ এছ বিৰ অভিযানৰ উমান পাই পলাই যাবলৈ সক্ষম হয় অবৈধ কাঠফলা মিলৰ গৰাকী ।

জানিব পৰা মতে,বন বিভাগে এশতকৈ অধিক অবৈধ কাঠফলা মিল জব্দ কৰিছে । অঞ্চলটোত বন বিভাগ আৰু এছ এছ বিয়ে সময়ে সময়ে এনে ধৰণৰ অবৈধ কাঠফলা মিল উৎখাত কৰি আহিছে যদিও এচাম অসাধু ব্যৱসায়ীয়ে পুণৰ স্থান সলনি কৰি ব্যৱসায় আৰম্ভ কৰে ।