বাক্সাত দুৰ্বৃত্তৰ আক্ৰমণত মহিলা আহত

উৰুকাৰ নিশা বাক্সা জিলাৰ তামুলপুৰ মহকুমাৰ ভাৰত-ভূটান সীমান্তৰ ১ নং ডোঙাৰগাওঁত নগেন বিশ্বাস নামৰ লোকজনৰ পত্নী মঞ্জু বিশ্বাসক দুৰ্বৃত্তই আক্ৰমণ কৰাৰ ঘটনা সংঘটিত হৈছে ৷ বিজেপি দলৰ একমাত্ৰ এম চি এল এ ধৰ্মনাৰায়ণ দাসে একাংশ দুৰ্বৃত্তক লৈ বিশ্বাসৰ গৃহত প্ৰৱেশ কৰি পত্নী আৰু পুত্ৰক বেয়াকৈ মাৰধৰ কৰে ।

বাক্সা,15 জানুৱাৰীঃউৰুকাৰ নিশা বাক্সা জিলাৰ তামুলপুৰ মহকুমাৰ ভাৰত-ভূটান সীমান্তৰ ১ নং ডোঙাৰগাঁৱত সংঘটিত হয় এক অঘটন । মঙ্গলবাৰে নিশা ২৭ নং নাগ্ৰীজুলী বি টি চি ৰ পৰিষদীয় সমষ্টিৰ বিজেপি দলৰ একমাত্ৰ এম চি এল এ ধৰ্মনাৰায়ণ দাসে সাংগো-পাংগোক লৈ নগেন বিশ্বাস নামৰ লোকজনৰ ঘৰত সোমাই বিশ্বাসৰ পত্নী মঞ্জু বিশ্বাসক আক্ৰমণ কৰি হাত ভাঙি দিয়ে আৰু পুত্ৰ সঞ্জয় বিশ্বাসকো বেয়াকৈ মাৰধৰ কৰে । আনহাতে,একেখন গাঁৱৰে চম্ভূ নমো শৰ্মা নামৰ লোকজনে মাৰধৰ কৰা সময়ত বাধা দিবলৈ আহোতে মূৰত লাঠিৰে কোবাই আঘাত কৰি মূৰ ফালি দিয়ে । জানিব পৰা মতে,উৰুকাৰ নিশা ভোজ খোৱাৰ সময়তে সঞ্জয় বিশ্বাস আৰু ধৰ্মনাৰায়ণৰ ভতিজা দীপাংকৰ দত্তৰ লগত কাজিয়াৰ সূত্ৰপাত ঘটিছিল । পিছত ৰাতিয়েই সমষ্টিটোৰ এম চি এল এ ধৰ্মনাৰায়ণ দাসে নগেন দাসৰ পুত্ৰ সঞ্জয় বিশ্বাসৰ ঘৰত আহি অশ্ৰাব্য গালি-গালাজৰ লগতে ঘৰত সোমাই ঘৰৰ বয়বস্তু লণ্ড-ভণ্ড কৰাৰ লগতে চকী-মেজ আদি ভাঙি থৈ যায় ।

স্থানীয় লোকসকলে জানিবলৈ দিয়া মতে,ধৰ্মনাৰায়ণ দাসে পূৰ্বতেও এগৰাকী ৭০ বছৰীয়া বৃদ্ধাক আক্ৰমণ কৰিছিল । সেয়ে ধৰ্মনাৰায়ণ দাসৰ নিকৃষ্ট কাণ্ডত তীব্ৰ প্ৰতিক্ৰিয়াৰ সৃষ্টি কৰে স্থানীয় লোকসকলে ৷

লগতে চাওকঃসাতাম পুৰুষীয়া শালমৰা নৌকা শিল্পলৈ নামিছে বিপদ ঘণ্টা