বাক্সাৰ তামুলপুৰৰ কাৰখেলাত নিশা বনৰীয়া হাতীৰ উপদ্ৰৱ

ভূটান সীমান্তৰ গাতে লাগি থকা বগাজুলি সংৰক্ষিত বনাঞ্চলত আশ্ৰয় লৈ নিশা হ'লে জনাঞ্চলত প্ৰৱেশ কৰি আতংকময় পৰিবেশৰ সৃষ্টি কৰি আহিছে ৷

বাক্সা,30 আগষ্টঃ বাক্সাৰ তামুলপুৰ মহকুমাৰ কুমাৰীকাটা বনাঞ্চল কাৰ্যালয়ৰ অন্তৰ্গত কাৰখেলাত শনিবাৰে নিশা বনৰীয়া হাতীয়ে তাণ্ডৱ চলাই এটি পৰিয়ালৰ ব্যাপক ক্ষতিসাধন কৰে ৷ চুবুৰীয়া দেশ ভূটানপৰা খাদ্যৰ সন্ধানত নামনিত প্ৰৱেশ কৰা এটা বনৰীয়া হাতীৰ জাকে আজি কিছুদিন ধৰি পলাশবাৰী কাৰখেলা আদি গাঁৱত তাণ্ডৱ চলোৱাৰ লগতে পথাৰৰ পকা ধান খাই তহিলং কৰিছে ৷

বাক্সাৰ তামুলপুৰৰ কাৰখেলাত নিশা বনৰীয়া হাতীৰ উপদ্ৰব

জানিব পৰা মতে দিনৰ ভাগত ভূটান সীমান্তৰ গাতে লাগি থকা বগাজুলি সংৰক্ষিত বনাঞ্চলত আশ্ৰয় লৈ নিশা হ'লে জনাঞ্চলত প্ৰৱেশ কৰি আতংকময় পৰিৱেশৰ সৃষ্টি কৰি আহিছে ৷ শনিবাৰে নিশাও কাৰখেলা গাঁৱত হাতীৰ জাকটোৰ পৰা ফালৰি কাটি প্ৰায় ৪/৫ টা বনৰীয়া হাতী প্ৰবেশ কৰি ৰুক্ম যোগী (৩২) নামৰ লোকজনৰ ঘৰবাৰী ধ্বংস কৰাৰ লগতে ঘৰৰ ভিতৰত থকা সকলো আচবাৱ খাদ্য সামগ্ৰী নষ্ট কৰি কেবালাখ টকাৰ সম্প্ৰতি ক্ষতিসাধন কৰে ৷ ইপিনে গাঁৱৰ লোকসকল ওলাই আহি জুইৰ মোহৰা জ্বলাই, টিন বজাই বন বিভাগৰ সহযোগত হাতীকেইটা খেদিবলৈ সক্ষম হয় ৷

লগতে পঢ়কঃবন মাফিয়াৰ হাতোৰাত নিঃশেষ তৰাণি সংৰক্ষিত বনাঞ্চল