বাক্সাত বন্যহস্তীৰ আক্ৰমণত নিহত মহিলা

বাক্সাৰ সোনালীপাৰাত বন্যহস্তীৰ তাণ্ডৱ ৷ বন্যহস্তীৰ আক্ৰমণত নিহত হয় উৰ্বশী বসুমতাৰী নামৰ এগৰাকী মহিলা ৷

বাক্সা,28 নৱেম্বৰ : বাক্সাৰ কুমাৰীকাটাৰ সোনালীপাৰাত শোকাৱহ ঘটনা ৷ বনৰীয়া হাতীৰ আক্ৰমণত নিহত হয় এগৰাকী বৃদ্ধা মহিলা । নিহত মহিলাগৰাকী নাম উৰ্বশী বসুমতাৰী ৷

প্ৰাপ্ত তথ্য অনুসৰি, বুধবাৰে নিশা প্ৰায় 10 বজাত সোনালীপাৰা গাঁৱত বনৰীয়া হাতীৰ জাকটোৱে প্ৰৱেশ কৰে ৷ সেই সময়তে উৰ্বশী বসুমতাৰীয়ে বাহিৰলৈ কোনো কামৰ বাবে ওলাই আহে আৰু হাতীৰ জাকটোৰ মাজৰেই এটা হাতীয়ে খেদি-খেদি মহিলাগৰাকীক আক্ৰমণ কৰে ৷ যাৰ ফলত মহিলাগৰাকী থিতাতে নিহত হয় ৷

অন্য এক খবৰৰ বাবে :

উল্লেখ্য যে বিগত কিছু দিন ধৰি বাক্সা জিলাৰ নাগ্ৰীজুলী,কাউলী,গুৱাবাৰী, চন্দননগৰ,যোগেছপুৰ আদি অঞ্চলত বন্যহস্তীয়ে তাণ্ডৱ চলাই আহিছে যদিও বন বিভাগে এই ক্ষেত্ৰত কোনো গুৰুত্ব গ্ৰহণ নকৰাৰ অভিযোগ স্থানীয় লোকৰ ৷