বাক্সা, 22 মাৰ্চ: আবিৰৰ ৰঙত ৰাজ্যবাসী মতলিয়া হৈ থকাৰ সময়তে বাক্সা জিলাৰ বৰমাত অঘটন ৷ পাগলদিয়া নদীত গা ধুবলৈ গৈ বৰমা আৰক্ষী থানাৰ অন্তৰ্গত ২ নং কালজাৰ গাৱৰ ৰবেন স্বৰ্গীয়াৰীৰ একমাত্ৰ পুত্ৰ মুন্না স্বৰ্গীয়াৰীৰ সলিল সমাধি ঘটে ৷ ফাকুৱাৰ ৰং খেলি উঠি সমনীয়াৰ লগত মৰাপাগলদিয়া নদীলৈ গা ধুবলৈ গৈছিল মুন্না ৷ গা ধুবলৈ গৈ নদীৰ দ-খাৱৈত হঠাৎ মুন্নাৰ লগতে সমনীয়াকেইজনে গাঁতত সোমাই পৰে আৰু পানীৰ ভিতৰতে আবদ্ধ হৈ পৰে ৷ বহু সময় ধৰি পানীৰ পৰা উঠি আহিবলৈ চেষ্টা কৰি মুন্নাৰ বন্ধুকেইজনে দ-খাৱৈৰ পৰা উঠি আহিবলৈ সক্ষম হয় যদিও মুন্না ৰৈ যায় দ-খাৱৈত ৷ অৱশেষত স্থানীয় ৰাইজক খৱৰ দিয়াত মুন্নাক খাৱৈৰ পৰা উঠাই আনি ততাতৈয়াকৈ বৰমা আদৰ্শ চিকিৎসালয়লৈ নিয়া হয় কিন্তু চিকিৎসকে মুন্নাক মৃত বুলি ঘোষণা কৰে ৷
পানীত পৰি সলিল সমাধি ছাত্ৰৰ