বাক্সা, 9 নৱেম্বৰ : তামুলপুৰ বিধান সভা সমষ্টিৰ অন্তৰ্গত দৰঙাজুলী ব্লক ইউপিপিএলৰ উদ্যোগত সোমবাৰে ভূটান সীমান্তৰ গনেশগুৰীত এক নিৰ্বাচনী সভা অনুষ্ঠিত হয় ৷ দৰংগাজুলী ব্লকৰ ইউপিপিএলৰ সভাপতি কমলেশ্বৰ বসুমতাৰীৰ সভাপতিত্বত অনুষ্ঠিত নিৰ্বাচনী সভাত অংশগ্ৰহণ কৰি ইউপিপিএল দলৰ অন্যতম সম্পাদক উইলচন হাচদাই কয়, " বিটিআৰ চৌদিশে এতিয়া পৰিবৰ্তনৰ বতাহ বলিছে ৷ এই পৰিবৰ্তন ইউপিপিএল দলৰ সপক্ষে বলিছে ৷ বিগত ১৭ বছৰে হাগ্ৰামা মহিলাৰী নেতৃত্বাধীন বিপিএফ দলে বিটিচিৰ উন্নয়নৰ নামত অহা কোটি কোটি টকা লুটিলে ৷ বিটিচিৰ মুৰৰ্ব্বী হৈ হাগ্ৰামাই বিটিচি বাসীৰ উন্নয়নৰ বাবে একোৱেই নকৰিলে ৷ উন্নয়নৰ নামত হাগ্ৰামা বাহিনী অবাধ দূৰ্নীতিত লিপ্ত হল ৷ "
ভূটান সীমান্তৰ গনেশগুৰীত ইউপিপিএল দলৰ নিৰ্বাচনী সভা
আজিৰ সভাতেই দৰংগাজূলী ব্লক বিপিএফৰ সক্ৰিয় কৰ্মী বিৰফাং বসুমতাৰীৰ নেতৃত্বত ২৬ গৰাকী বিপিএফ কৰ্মীৰ লগতে ১০০ গৰাকী লোকে ইউপিপিএল দলত আনুষ্ঠানিকভাৱে যোগদান কৰে ৷
ভূটান সীমান্তৰ গনেশগুৰীত ইউপিপিএল দলৰ নিৰ্বাচনী সভা
সভাত ২৬ নম্বৰ দৰংগাজূলী সমষ্টিৰ ইউ পি পি এল দলৰ প্ৰাৰ্থী ফনীন্দ্ৰ নাৰ্জাৰীয়ে কয়, " বিটিআৰত এতিয়া বিপিএফ ডুবন্ত নাও ৷ ১৭ বছৰীয়া অপ শাসনৰ ফল বিপিএফ দলে ভূগিব লাগিব ৷ "
আজিৰ সভাতেই দৰংগাজূলী ব্লক বিপিএফৰ সক্ৰিয় কৰ্মী বিৰফাং বসুমতাৰীৰ নেতৃত্বত ২৬ গৰাকী বিপিএফ কৰ্মীৰ লগতে ১০০ গৰাকী লোকে ইউপিপিএল দলত আনুষ্ঠানিক ভাৱে যোগদান কৰে ৷ দৰংগাজূলী ব্লক ইউপিপি এলৰ সাধাৰন সম্পাদক প্ৰবিন বড়োই আঁত ধৰা আজিৰ নিৰ্বাচনী সভাত ইউপিপিএল দলৰ সম্পাদক ৰাফেল দৈমাৰী, উপ- সভাপতি হজৰত আলি, চিডব্লিউচিৰ সদস্য মনোজ গয়াৰী,শৈলেন বসুমতাৰী, চবেন নাৰ্জাৰী, দৰংগাজূলী ব্লক ইউপিপিএল দলৰ নিৰ্বাচনী পৰিচালনা সমিতিৰ সভাপতি ম: মইনুল আলি সহ পাঁচ শতাধিক ইউপিপিএল দলৰ কৰ্মী- সমৰ্থক উপস্থিত থাকে ৷
লগতে পঢ়ক: ব্ৰহ্মপুত্ৰত জাপ দি আত্মহত্যাৰ হুংকাৰ ক’ভিড যোদ্ধাৰ