বাক্সাত আৰক্ষীৰ জালত দুজন ড্ৰাগছ সৰবৰাহকাৰী

সোমবাৰে শালবাৰীত দুজন ড্ৰাগছ সৰবৰাহকাৰীক আটক আৰক্ষীৰ ৷ সৰবৰাহকাৰী দুজনৰ পৰা আৰক্ষীয়ে 6.59 গ্ৰাম হেৰ’ইন, এটা ম’বাইল হেণ্ডচেক, এটা চিৰিঞ্জ আৰু এখন এল্ট’ বাহন জব্দ কৰিবলৈ সক্ষম হয় ৷

বাক্সা, 8 জুন : বাক্সা জিলাৰ শালবাৰীত সোমবাৰে দুজনকৈ ড্ৰাগছ সৰবৰাহকাৰীক আটক কৰে আৰক্ষীয়ে ৷ আটকাধীন সৰবৰাহকাৰী দুজনৰ এজন পূব ছাফাকামাৰৰ পুলক নাথ আৰু আনজন বৰপেটাৰোড থানাৰ অন্তৰ্গত হটাপাৰাৰ অনছুমা দৈমাৰী বুলি জানিব পৰা গৈছে ৷ গোৱৰ্ধনা থানাৰ ভাৰপ্ৰাপ্ত আৰক্ষী বিষয়া নৱজিৎ তালুকদাৰৰ নেতৃত্বত চলিছিল এই ড্ৰাগছ বিৰোধী অভিযান ।

ধৃত সৰবৰাহকাৰী দুজনৰ পৰা 6.59 গ্ৰাম হেৰ’ইন, এটা ম’বাইল হেণ্ডচেক, এটা চিৰিঞ্জ আৰু এখন এল্ট’ বাহন জব্দ কৰে আৰক্ষীয়ে ৷ ঘটনা সন্দৰ্ভত আটকাধীন ড্ৰাগছ দুজনক জেৰা অব্যাহত ৰাখিছে আৰক্ষীয়ে ৷

লগতে পঢ়ক :চাপৰত জব্দ বৃহৎ পৰিমাণৰ নিচাজাতীয় দ্ৰব্য