9 বজাৰ 10 টা শীৰ্ষ বাতৰি

9 বজাৰ 10 টা শীৰ্ষ বাতৰি

তামুলপুৰক পৃথক জিলা হিচাপে ঘোষণা কৰাৰ এবছৰ নৌহওঁতেই ৰাজ্য চৰকাৰে জিলা হিচাপে বাতিল কৰে (Assam District Remerged) ৷ বাক্সা জিলাৰ পৰা তামুলপুৰক পৃথক জিলা হিচাপে ঘোষণা কৰাত তামুলপুৰবাসীয়ে যি আনন্দ-উল্লাস কৰিছিল হঠাৎ শনিবাৰে ৰাজ্য চৰকাৰৰ হঠকাৰী সিদ্ধান্তই চেঁচাপানী ঢালি দিলে (Announcement of Tamulpur as a district) ৷

নাগপুৰস্থিত RSSৰ মুখ্য কাৰ্যালয় বোমাৰে উৰুৱাই দিয়াৰ ভাবুকি ৷ শনিবাৰে ফোনযোগে আৰক্ষীয়ে লাভ কৰিছিল বোমাৰ এই ভাবুকি ৷ ভাবুকিৰ পিছতেই RSSৰ কাৰ্যালয়ৰ সমীপত বৃদ্ধি কৰা হৈছে নিৰাপত্তা ব্যৱস্থা ৷ সষ্টম কৰি ৰখা হৈছে ‘বোমা স্কোৱাড’, পৰীক্ষা-নিৰীক্ষা কৰা হৈছে কাৰ্যালয়ৰ চৌপাশ ৷

মুখ্যমন্ত্ৰী ড৹ হিমন্ত বিশ্ব শৰ্মাই দিল্লীত শনিবাৰে এক সংবাদমেলৰ জৰিয়তে বিশ্বনাথ জিলাক পুনৰ শোণিতপুৰত অন্তৰ্ভুক্ত কৰাৰ কথা ঘোষণা কৰাৰ পাছতেই জিলাখনত সৃষ্টি হৈছে প্ৰতিক্ৰিয়াৰ(Assam Cabinet in Delhi) ৷ বিশ্বনাথত বিভিন্ন দল সংগঠনে বিশ্বনাথ জিলা বাহাল গঠন কৰিবলৈ ৰাজপথত তীব্ৰ আন্দোলন কৰিছিল ৷

চীনা চৰকাৰৰ বৌদ্ধ ধৰ্ম ধ্বংস কৰাৰ প্ৰচেষ্টাক তীব্ৰ সমালোচনা বৌদ্ধ আধ্যাত্মিক নেতা দালাই লামাৰ (Buddhist Guru Dalai Lama)। বুদ্ধগয়াত অনুষ্ঠিত শিক্ষণ বক্তৃতাৰ অন্তিম দিনা তেওঁ চীনা চৰকাৰক এইদৰে সমালোচনা কৰে । অৰুণাচল প্ৰদেশৰ মুখ্যমন্ত্ৰী পেমা খাণ্ডুও উক্ত অনুষ্ঠানত উপস্থিত থাকে ।

ৰাজ্যিক কেবিনেটে চাৰিখন জিলা বিলুপ্তিকৰণৰ সিদ্ধান্ত গ্ৰহণ কৰাৰ পিছতে ৰাজ্যজুৰি সৃষ্টি হৈছে প্ৰতিক্ৰিয়া ৷ কেবিনেটৰ সিদ্ধান্তৰ বিৰুদ্ধে ইতিমধ্য়েই প্ৰতিবাদ সাব্যস্ত কৰিছে বিভিন্ন সংগঠনে ৷ সমান্তৰালভাৱে প্ৰতিক্ৰিয়া প্ৰকাশ কৰিছে বিৰোধী ৰাজনৈতিক দলসমূহেও ৷ কেবিনেটৰ এই সিদ্ধান্তৰ তীব্ৰ বিৰোধিতা অসম জাতীয় পৰিষদৰ ৷

লখিমপুৰ খেৰীত সংঘটিত এক হত্যাকাণ্ডৰ কথা প্ৰকাশ কৰি আৰক্ষীয়ে মৃতকৰ পত্নী আৰু তেওঁৰ প্ৰেমিকক গ্ৰেপ্তাৰ কৰা বুলি উল্লেখ কৰে (Woman Killed Husband) । আৰক্ষীয়ে হত্যাত ব্যৱহৃত অস্ত্ৰও উদ্ধাৰ কৰে ।

আজি ইংৰাজী নৱবৰ্ষ 2023 ৰ পহিলা দিন ৷ নৱবৰ্ষৰ প্ৰাকক্ষণত দুদিনীয়া কাৰ্যসূচীৰে টিংখাঙত আয়োজন কৰা হৈছে "দিহিংচাং food festival ২০২২" (Dihingchang Food Festival 2022 at Tingkhang)।

2022 বৰ্ষটো আহি আহি অন্তিম ক্ষণত উপস্থিত হৈছেহি ৷ উভতি চালে আমি দেখা পাওঁ এই বছৰটোত সৰু-বৰ কেইবাখনো অসমীয়া ছবিয়ে অসমীয়া চিনেমাৰ ভঁৰালটো চহকী কৰি তুলিলে (Assamese movies released in 2022) ৷ ৰাইজৰ মাজতো দেখা পোৱা গ’ল অসমীয়া ছবিক লৈ পূৰ্বৰ উছাহ ৷ মৰহি যাব ধৰা চলচ্চিত্ৰ উদ্যোগটো পুনৰ ঠন ধৰি উঠিল যেন অনুমান হয় চলচ্চিত্ৰ নিৰ্মাতা আৰু চলচ্চিত্ৰ প্ৰেমীৰ সহযোগত ৷

বিশ্বৰ সৰ্বাধিক উপাৰ্জনকাৰী ফুটবলখেলুৱৈ হিচাপে পৰিগণিত হ'ল ক্ৰিষ্টিয়ানো ৰোনাল্ডো । চৌদি আৰৱৰ এটা ফুটবল ক্লাব আল-নাছৰৰ সৈতে দুবছৰীয়া চুক্তি সম্পন্ন কৰিছে তাৰকা খেলুৱৈগৰাকীয়ে (Cristiano Ronaldo signs with Al Nassr)। খেলুৱৈগৰাকীয়ে বছৰি ৭৫ নিযুত ডলাৰ লাভ কৰিব ।

পোৱা-নোপোৱা, শোক-বিষাদৰ মাজেৰে পাৰ হৈ গ’ল 2022 ৷ উদয়াচলত হেঙুলী আভা চটিয়াই ভুমুকি মাৰিলে ন-সূৰুজে ৷ আৰম্ভ হ’ল এটা নতুন বছৰ "2023" ৷ সকলোৱে মংগল কামনাৰে আৰাধ্য দেৱতাৰ ওচৰত প্ৰজ্বলন কৰিবলৈ আহিছে এগছি বন্তি ৷ মনত আশা বান্ধিছে সকলোৱে দিনবোৰ যেন সুখময় হয় ৷ স্বাগতম নৱবৰ্ষ 2023 (New Year 2022) ৷