5 বজাৰ শীৰ্ষ 10 টা বাতৰি

5 বজাৰ শীৰ্ষ 10 টা বাতৰি

'ব্লেক মেইলাৰ'ৰ ভূমিকাত অৱতীৰ্ণ হ'ল এগৰাকী আৰক্ষী (policeman plays role of black mailer)। যাৰ বাবে এইগৰাকী ব্লেক মেইলাৰ আৰক্ষী এতিয়া ৰঙাঘৰৰ আলহী হ'বলগা হৈছে । আৰক্ষীৰ হাততেই গ্ৰেপ্তাৰ হ'ল খোদ আৰক্ষী বিষয়া । খাৰুপেটীয়া থানাৰ ভাৰপ্ৰাপ্ত আৰক্ষী বিষয়া উৎপল বৰা এইবাৰ গ্ৰেপ্তাৰ হৈছে ভুৱা গোচৰৰ অভিযোগত (Kharupatiya police station OC Utpal Bora arrested) ।

৩৭০ অনুচ্ছেদ বাতিলৰ পিছত কেইবাজনো কাশ্মীৰী সাংবাদিকক বিদেশ ভ্ৰমণত বাধা আৰোপ কৰা পৰিলক্ষিত হৈছে(Kashmiri journalist barred from travelling abroad) ৷ এইবাৰ বিদেশ ভ্ৰমণত বাধা আৰোপ কৰা হ'ল পুলিৎজাৰ বঁটা বিজয়ী স্বতন্ত্ৰ কাশ্মীৰী সাংবাদিক আকাশ হাছানক ৷

খাদ্যৰ নামত চৰকাৰে দৰিদ্ৰ হিতাধিকাৰীক খুৱাইছে নেকি বৰবিহ ! চৰকাৰী সুলভ মূল্যৰ দোকান যোগে সৰভোগৰ দৰিদ্ৰ হিতাধিকাৰীক যোগান ধৰা হৈছে নেকি প্লাষ্টিকৰ চাউল ! যোগান মন্ত্ৰী ৰণজিৎ কুমাৰ দাসৰ গৃহ সমষ্টি সৰভোগৰ চৰকাৰী সুলভ মূল্যৰ দোকানত ওলাইছে প্লাষ্টিকৰ চাউল (Plastic rice in Sorbhog)৷ অভিযোগ সৰভোগৰ একাংশ দৰিদ্ৰ হিতাধিকাৰীৰ ৷

অসমৰ মুখ্যমন্ত্ৰী ডঃ হিমন্ত বিশ্ব শৰ্মাৰ ৫ দিনীয়া দিল্লী ভ্ৰমণ কাৰ্যসূচীৰ সমাপ্তি (Assam Cm 5 days Delhi visit)। এই ভ্ৰমণত তেওঁ কেইবাটাও গুৰুত্বপূৰ্ণ কাৰ্যসূচীত অংশগ্ৰহণ কৰে । শিলচৰৰ সেউজ ক্ষেত্ৰ প্ৰকল্প, অসমৰ বানপানীৰ সমস্যাকে ধৰি কেইবাটাও বিষয়ত কেন্দ্ৰীয় মন্ত্ৰীসকলৰ সৈতে আলোচনা মুখ্যমন্ত্ৰীৰ ।

বুধবাৰে পুৱাৰে পৰা জম্মু-কাশ্মীৰৰ কুলগামৰ ব্ৰেইহাৰ্ড কাঠপোৰা অঞ্চলত সন্ত্ৰাসবাদী আৰু নিৰাপত্তা বাহিনীৰ মাজত আৰম্ভ হৈছে সংঘৰ্ষ (Encounter between militants and security forces) ।

বুধবাৰে হঠাৎ নৱনিৰ্মিত নলবাৰী মেডিকেল কলেজত ( Nalbari Medical College Hospital) উপস্থিত হয় মন্ত্ৰী কেশৱ মহন্ত ৷ মন্ত্ৰীগৰাকীয়ে মেডিকেল কলেজখন পৰিদৰ্শন কৰি নিৰ্মাণৰ কামৰ বুজ লয় (Keshab Mahanta Visit Today At Nalbari Medical College Hospital) ৷ লগতে কলেজখনত আগন্তুক বৰ্ষৰ আৰম্ভণিৰে পৰা OPD চিকিৎসা সেৱা আৰম্ভ হ’ব বুলি জানিবলৈ দিয়ে (Keshab Mahanta in Nalbari) ৷

বিলাসীপাৰাৰ সীমান্তৱৰ্তী তথা কোকৰাঝাৰ জিলাৰ মালগাঁও বগুলাউৰাৰ গাঁৱৰ ৭ গৰাকী শ্ৰমিকৰ ভিতৰত দুজন শ্ৰমিকক সংকটজনক অবস্থাত লৈ অনা হয় মালগাঁও বগুলাউৰাৰ নিজ বাসগৃহলৈ (two missing workers reached home in critical condition)। শ্ৰমিক দুজন ঘৰত উপস্থিত হোৱাৰ পিছতেই পোহৰলৈ আহিছে ভয়ঙ্কৰ তথ্য ।

নলবাৰীৰ মুকালমুৱাত চিপ লোৱা অৱস্থাত উদ্ধাৰ মহিলাৰ মৃতদেহ । মহিলাগৰাকীৰ স্বামীৰ পৰিয়ালে হত্যা কৰি আত্মহত্যা ৰূপ দিয়া চেষ্টা কৰিছে বুলি অভিযোগ উঠিছে (Sensational murder in Mukalmua)। উচিত তদন্তৰ দাবী মহিলাগৰাকীৰ মাতৃৰ পৰিয়ালৰ ।

ভূৰাগাঁও আৰক্ষীৰ অভিযানত আটক তিনি ছাইবাৰ অপৰাধী (Cyber crime gang arrested in Bhuragaon)। ভূৰাগাঁও আৰক্ষী থানাৰ সহকাৰী উপ-পৰিদৰ্শক পংকজ বৰাৰ নেতৃত্বত আৰক্ষীৰ এটা দলে এক গোপন সূত্ৰৰ পৰা পোৱা তথ্যৰ ভিত্তিত অভিযান চলাই জৰিবৰৰ বেছামাৰী ডুবাৰ পৰা ৰফিকুল ইছলাম, মেহদি আলম আৰু ছেকাব উদ্দিন নামৰ তিনি চাইবাৰ অপৰাধীক আটক কৰিবলৈ সক্ষম হয় ।

মন্ত্ৰী অজন্তা নেওগৰ জালুকবাৰীস্থিত বাসগৃহৰ পৰা এগৰাকী মহিলা উদ্ধাৰ হোৱা ঘটনাক লৈ বিজেপিৰ জ্যেষ্ঠ নেতা ৰমেন ডেকাৰ প্ৰতিক্ৰিয়া । বিজেপিৰ জ্যেষ্ঠ নেতাগৰাকীৰ দাবী, নিৰপেক্ষ তদন্তৰ স্বাৰ্থত অজন্তা নেওগে মন্ত্ৰীসভাৰ পৰা পদত্যাগ কৰা উচিত (Demanded resignation of Ajanta Neog)।