বাক্সা, 15 নৱেম্বৰ : দেওবাৰেতামুলপুৰ মহকুমাৰ নাগ্ৰীজুলিত পুৱা প্ৰায় ১০-৩০ বজাত সংঘটিত হয় এক ভয়াবহ পথ দুৰ্ঘটনা। এই পথ দুৰ্ঘটনাত আহত হয় একেটা পৰিয়ালৰ দুগৰাকী শিশু সহ মুঠ পাঁচ গৰাকী লোক । আহত লোক কেইজন ক্ৰমে নলবাৰী জিলাৰ দলুৱা গাঁও নিবাসী ৩৭ বছৰীয়া দ্বিজেন্দ্ৰ কালিতা, তেওঁৰ পত্নী ৩১ বছৰীয়া গিৰিজা কালিতা, তেওঁৰ দুগৰাকী কন্যা সন্তান ক্ৰমে ১৩ বছৰীয়া নেহা কালিতা আৰু ৬ বছৰীয়া ভাৱনা কলিতা লগতে দ্বিজেন্দ্ৰৰ ২৭ বছৰীয়া ভগ্নী কৰৱী কলিতা আহত হয়।
নাগ্ৰীজুলিত পথ দুৰ্ঘটনা:শিশুসহ আহত এটি পৰিয়ালৰ পাঁচ গৰাকী
নাগ্ৰীজুলিত পথ দুৰ্ঘটনা। শিশু সহ এটি পৰিয়ালৰ পাঁচ গৰাকী আহত । এই ঠাইত এটা মাহৰ ভিতৰত কেইবাটাও দুৰ্ঘটনা সংঘটিত হৈছে আৰু একাধিক লোকে দুৰ্ঘটনাৰ ফলত প্ৰাণ হেৰুৱাব লগীয়া হৈছে।
নাগ্ৰীজুলিত পথ দুৰ্ঘটনা
দ্বিজেন্দ্ৰ কলিতাই জানিবলৈ দিয়া মতে দেওবাৰে পুৱা তেওঁলোকে ঘৰৰ পৰা পৰিয়াল সহ ভাৰত-ভূটান সীমান্তৰ বগামাটিলৈ ফুৰিবলৈ গৈছিল। তেওঁলোকে তামুলপুৰ-নাগ্ৰীজুলি পথৰ বাল্টি নদীৰ কেঁকুৰি পাৰ হবলৈ লওঁতে নিয়ন্ত্ৰণ হেৰুৱাই গাড়ীখন পথৰ পৰা বাগৰি পৰে ৷ লগে লগে কাষৰ পথাৰত পৰে ৷ ঘটনাস্থলীত নাগ্ৰীজুলি আৰক্ষী আৰু স্থানীয় লোক উপস্থিত হৈ পৰিয়ালটোক উদ্ধাৰ কৰি আহত অৱস্থাত তামুলপুৰ প্ৰাথমিক স্বাস্থ্য কেন্দ্ৰলৈ প্ৰেৰণ কৰে। আহত আটাইকেইজনক তামুলপুৰত প্ৰাথমিক চিকিৎসা প্ৰদান কৰা হয় । আহত সকলৰ ভিতৰত কৰবী কলিতা, নেহা কালিতা আৰু ভাৱনা কলিতাৰ আঘাত গুৰুতৰ হোৱাৰ বাবে চিকিৎসকে তেওঁলোকক উন্নত চিকিৎসাৰ বাবে ৰঙিয়ালৈ প্ৰেৰণ কৰে । উল্লেখ্য যে বাল্টি নদীৰ দলঙৰ ওচৰত থকা কেঁকুৰীটোত প্ৰায়ে সংঘটিত হৈ আহিছে পথ দুৰ্ঘটনা। এটা মাহৰ ভিতৰত কেইবাটাও দুৰ্ঘটনা সংঘটিত হৈছে আৰু একাধিক লোকে দুৰ্ঘটনাৰ ফলত প্ৰাণ হেৰুৱাব লগা হৈছে ।
লগতে পঢ়ক:ধৰ্ষণকাৰীৰ গ্ৰেপ্তাৰৰ বাবে নিজ কন্যাক ব্যৱহাৰ আৰক্ষী বিষয়াৰ