বাক্সাৰ তামুলপুৰত পথ দুৰ্ঘটনা, আহত দুজন

জনস্বাস্থ্য কাৰিকৰী বিভাগৰ পানী যোগান আঁচনিৰ বাহন আৰু এখন যাত্ৰীবাহী টেম্প'ৰ মাজত মুখামুখি সংঘৰ্ষ ৷ আহত দুজন ৷

তামুলপুৰ, 22 ডিচেম্বৰ: বাক্সাৰ তামুলপুৰ আৰক্ষী চকীৰ অন্তৰ্গত ছোৱালী হাইস্কুলৰ সন্মুখত আজি জনস্বাস্থ্য কাৰিকৰী বিভাগৰ পানী যোগান আঁচনিৰ বাহন আৰু এখন যাত্ৰীবাহী টেম্প'ৰ মাজত, মুখামুখি সংঘৰ্ষৰ ফলত এক ভয়ংকৰ পথ দুৰ্ঘটনা সংঘটিত হয় । দুৰ্ঘটনাত গুৰুতৰভাৱে আহত হয় টেম্প' চালক চমেশ্বৰ বসুমতাৰী (30) আৰু পানী যোগানৰ বাহন খনৰ চালক বলি চৰণ ৰাভা (40) ৷

প্ৰত্যক্ষদৰ্শীৰ মতে, কুমাৰীকাটাৰ পৰা তামুলপুৰ অভিমুখে আহি থকা জনস্বাস্থ্য কাৰিকৰী বিভাগৰ বাহনখন আৰু কুমাৰীকাটাৰ পৰা ৰঙিয়া অভিমুখে গৈ থকা টেম্প' খনৰ মাজত সংঘৰ্ষৰ ফলত ওচৰত থকা খাৱৈত বাগৰি পৰে দুয়োখন বাহন ৷

লগতে পঢ়ক:দক্ষিণ কামৰূপৰ কমলা টেঙাৰ বাগান আৰু খেতিয়কৰ দুৰৱ