নিশা বৰমাত পথ দুৰ্ঘটনা: নিহত এজন

৩১ নং ৰাষ্ট্ৰীয় ঘাইপথত সংঘটিত হয় ভয়ংকৰ পথ দুৰ্ঘটনা ৷ পথ দুৰ্ঘটনাটোত থিতাতে নিহত হয় নলবাৰী জাপাৰকুছিৰ কিশোৰ কলিতা ৷

বাক্সা,১৭ জানুৱাৰী: শনিবাৰে নিশা বাক্সা জিলাৰ ৩১ নং ৰাষ্ট্ৰীয় ঘাইপথত সংঘটিত হয় ভয়ংকৰ পথ দুৰ্ঘটনা ৷ নিশা প্ৰায় ৯.৩৫ বজাত সংঘটিত হোৱা পথ দুৰ্ঘটনাত এজন লোক থিতাতে নিহত হোৱাৰ বিপৰীতে আন এজন লোক গুৰুতৰ ভাৱে আহত হয় ৷ মৃত লোকজন নলবাৰী জাপাৰকুছিৰ কিশোৰ কলিতা বুলি চিনাক্ত কৰাৰ লগতে আহত লোকজন নলবাৰী জাপাৰকুছিৰ গুণীন বৰ্মন বুলি চিনাক্ত কৰিছে স্থানীয় ৰাইজে ৷

কিন্তু, পথ দুৰ্ঘটনাটো কেনেকৈ সংঘটিত হ'ল সেয়া বৰ্তমানলৈকে জানিব পৰা হোৱা নাই যদিও কোনো অজ্ঞাত বাহনে খুন্দিওৱাৰ সন্দেহ প্ৰকাশ কৰিছে স্থানীয় ৰাইজে ৷ আহত গুণীন বৰ্মনক ততাতৈয়াকৈ নলবাৰীৰ চিকিৎসালয়লৈ লৈ যোৱা হয় যদিও সংকটজনক অৱস্থাত গুৱাহাটী মেডিকেল হাস্পতাললৈ প্ৰেৰণ কৰে চিকিৎসকে ৷

লগতে পঢ়ক:ৰহাত অগ্নিকাণ্ডত জাহ গ’ল মাদ্ৰাছা