বান সাহাৰ্য বিতৰণত আসোৱাহৰ আভিযোগ তামুলপুৰ জিলা কৃষক মুক্তি সংগ্ৰাম সমিতিৰ

অসম চৰকাৰে দিয়া বান সাহাৰ্য লাভ কৰা নাই প্ৰকৃত হিতাধীকাৰীয়ে ৷ এই সন্দৰ্ভত গোৰেশ্বৰত তামুলপুৰ জিলাৰ কৃষক মুক্তি সংগ্ৰাম সমিতিৰ আহ্বায়ক সমিতিয়ে আয়োজন কৰে এক সংবাদমেল (Press conference of KMSS of Tamulpur district at Goreshwar)।

তামুলপুৰ, 1 ছেপ্টেম্বৰ : অসম চৰকাৰে দিয়া বান সাহাৰ্য লাভ কৰা নাই প্ৰকৃত হিতাধীকাৰীয়ে ৷ প্ৰকৃত হিতাধীকাৰীৰ বিপৰীতে চৰকাৰৰ এই সাহাৰ্য লাভ কৰিছে একাংশ গাঁওবুঢ়া, মণ্ডল, লাট মণ্ডলকে ধৰি বহুতো চৰকাৰী বিষয়া-কৰ্মচাৰীৰ আত্মীয়ই ৷ বৃহস্পতিবাৰে এক সংবাদমেল আয়োজন কৰি এই অভিযোগ উত্থাপন কৰে তামুলপুৰ জিলাৰ কৃষক মুক্তি সংগ্ৰাম সমিতিৰ সদস্যই (Press conference of KMSS of Tamulpur district at Goreshwar) ৷

উল্লেখ্য যে, অসমৰ প্ৰায় জিলাতে শেহতীয়াকৈ হোৱা বানে ভয়ংকৰ ৰূপ ধাৰণ কৰিছিল ৷ এই বানৰ ফলত অসমৰ বিভিন্ন ঠাইৰ লগতে তামুলপুৰ জিলাৰ কেবাটাও অঞ্চলতো বিস্তৰ ক্ষতি সাধন কৰিছিল ৷ ফলত গৃহহীন হৈ পৰিছিল বহুতো পৰিয়াল ৷ আনকি ৰাস্তা-ঘাটে শিবিৰ পাতি থাকিব লগাত পৰিছিল ৷

ইতিমধ্যে অসম চৰকাৰৰ মাননীয় মুখ্যমন্ত্ৰী হিমন্ত বিশ্ব শৰ্মাই গৃহহীন হোৱা প্ৰতিটো পৰিয়ালক ক্ষতিপূৰণ হিচাপে 95 হাজাৰ টকা কৈ দিম বুলি ঘোষণা কৰিছিল ৷ কিন্তু বৰ্তমান জানিবলৈ পোৱা মতে প্ৰায় সংখ্যক ক্ষতিগ্ৰস্ত হোৱা লোকেই অসম চৰকাৰৰ 95 হাজাৰ টকাৰ সাহায্য লাভ কৰা নাই ।

আনহাতে একাংশ চৰকাৰী বিষয়া-কৰ্মচাৰীয়ে সেই সাহায্যৰ নামত অহা 95 হাজাৰ টকা নিজ নিজ আত্মীয়ৰ নামত চেঞ্চন কৰি ইতিমধ্যে ধন মোকলাবলৈ সক্ষম হৈছে । এই অভিযোগ কৃষম মুক্তি সংগ্ৰাম সমিতিৰ ৷ সেয়ে এই বিষয় সন্দৰ্ভত মুখ্যমন্ত্ৰী হিমন্ত বিশ্ব শৰ্মাক হস্তক্ষেপ কৰি সমগ্ৰ কেলেংকাৰীৰ তদন্ত কৰিবলৈ আহ্বান জনাই তামুলপুৰ জিলাৰ কৃষক মুক্তি সংগ্ৰাম সমিতিৰ সদস্যই ৷

লগতে দোষী বিষয়া-কৰ্মচাৰীক চিনাক্তকৰণ কৰি উচিত শাস্তি প্ৰদান কৰিবলৈ এই সংবাদ মেলযোগে দাবী উত্থাপন কৰে কৃষক মুক্তি সংগ্ৰাম সমিতিৰ তামুলপুৰ জিলা আহ্বায়ক সমিতিয়ে ৷ নহ’লে অনাগত দিনত সকলো ৰাইজক লগত লৈ বৃহৎ গণতান্ত্ৰিক আন্দোলন গঢ়ি তুলিবলৈ বাধ্য হ’ব বুলি স্পষ্ট কৰি দিয়ে কৃষক মুক্তি সংগ্ৰাম সমিতিৰ তামুলপুৰ জিলা আহ্বায়ক সমিতিয়ে ।

লগতে পঢ়ক :মাদ্ৰাছাসমূহক লৈ কঠোৰ সকীয়নি মুখ্যমন্ত্ৰী হিমন্ত বিশ্ব শৰ্মাৰ