বাক্সা, ৪ চেপ্তেম্বৰ :মহাজোঁটৰ পৰা বি পি এফ ওলাই আহি বিজেপিৰ সৈতে মিত্ৰতাৰ প্ৰস্তাৱ দিয়াৰ পিছতে প্ৰথম প্ৰতিক্ৰিয়া ব্যক্ত কৰে বিটিআৰৰ চীফ প্ৰমোদ বড়োই ৷ হাগ্ৰামা মহিলাৰী ক’ত যায়, কত নাযায় সেই বিষয়ে তেওঁ অজ্ঞ বুলি মন্তব্য কৰে প্ৰমোদ বড়োই ৷ হাগ্ৰামা মহিলাৰীয়ে 17 বছৰীয়া শাসন কালত ট্ৰাইবেল্ট বেল্ট এণ্ড ব্লকৰ বাহিৰৰ ভুমিপুত্ৰ সকলৰ কথা চিন্তা নকৰিলে বুলিও তেওঁ মন্তব্য ব্যক্ত কৰে ৷
আনহাতে, বিপিএফ-বিজেপিৰ মিত্ৰতা হলে ইউপিপিএলে কি কৰিব সেইটো শীতল মস্তিস্কৰে দলৰ মজিয়াত আলোচনা কৰি সিদ্ধান্ত লোৱা হব বুলি কলে প্ৰমোদ বড়োই ৷ ইয়াৰোপৰি পৃথিৱীত অকল ৰাজনীতি কৰিয়েই মানুহে খাই থকা নাই বুলিও এক তাৎপৰ্যপূৰ্ণ মন্তব্য কৰে বিটিআৰ চীফ গৰাকীয়ে ৷ ইয়াৰোপৰি তেওঁ অসমীয়া জাতিৰ স্বাৰ্থত সকলো লোকে একত্ৰিকৰণ হ’ব লাগে বুলি মন্তব্য কৰে ৷
কেৱল ৰাজনীতি কৰিয়েই খাই থকা নাই মানুহে : প্ৰমোদ বড়ো