পাগলদীয়া নৈত আবদ্ধ মাল ভৰ্তি ট্ৰাক : হাতী আৰু জেচিবিৰে উদ্ধাৰৰ চেষ্টা

পাগলদীয়া নৈৰ মাজত আবদ্ধ হৈ পৰে এখন মাল ভৰ্তি ট্ৰাক ৷ হাতী আৰু দুখন জেচিবিৰ সহায়ত উদ্ধাৰ কৰা হয় ট্ৰাকখনক ৷

বাক্সা,24আগষ্ট : হাগ্ৰামা মহিলাৰীৰ মডেল বিটিচিৰ উন্নয়নে ঢুকি পোৱা নাই বাক্সাৰ যাতায়াতৰ ব্যৱস্থাক ৷ দেশ স্বাধীন হোৱাৰ ৭৩ বছৰ অতিক্ৰম কৰাৰ পাছতো বাক্সা জিলাৰ মুছলপুৰ-কুমাৰীকাটা সংযোগী পথৰ খৈৰাণীত পাগলাদিয়া নদীৰ ওপৰত নিৰ্মাণ নহ 'ল এখন দলং ৷ যাৰ বাবে বছৰ বছৰ ধৰি অঞ্চলটোৰ ৰাইজে যাতায়তৰ ক্ষেত্ৰত যমৰ-যাতনা ভোগ কৰি আহিছে ৷ বহু সময়ত নদীৰ বুকুত আৱদ্ধ হৈ আহিছে বহু বাহন ৷

শনিবাৰেও পাগলদীয়া নৈৰ মাজত এখন মাল ভৰ্তি ট্ৰাক আবদ্ধ হৈ পৰে। পৰৱৰ্তী সময়ত হাতী আৰু দুখন জেচিবিৰ সহায়ত ট্ৰাকখন পানীৰ মাজৰ পৰা উঠাই আনিবলৈ সক্ষম হয় । উক্ত পথটোৰে চুবুৰীয়া ৰাষ্ট্ৰ ভূটানৰ ট্ৰাক সমূহৰ লগতে বিভিন্ন ধৰণৰ সামগ্ৰী কঢ়িওৱা যান-বাহন চলাচল কৰে । স্থানীয় লোকসকলে বিভাগটোক বহুবাৰ জনায় আহিছে যদিও বিভাগটোৱে কোনো গুৰুত্ব প্ৰদান নকৰে ৷ যাৰ বাবে ক্ষোভিত হৈ পৰে অঞ্চলবাসী ৷