বাক্সা, 20 জুনঃ শুকুৰবাৰে সন্ধিয়াৰ বাক্সা জিলাৰ অন্তৰ্গত বৰলীয়া নৈত মাছ মাৰিবলৈ গৈ নিখোজ হৈ আছিল এজন যুৱক ৷ জিলাখনৰ নাগ্ৰীজুলি আৰক্ষী চকীৰ অন্তৰ্গত বগৰীখুটি গাঁৱৰ পৰিমল বিশ্বাস(৪২)নামৰ লোকজন বহু সময় ধৰি ঘৰলৈ উভতি নহাত চিন্তিত হৈ পৰে পৰিয়ালৰ লোক। লগে লগে পৰিয়ালৰ লোকে বাক্সা আৰক্ষী তথা ওচৰ-চুবুৰীয়াক ঘটনা সন্দৰ্ভত অৱগত কৰে ৷
বাক্সা
শনিবাৰে নাগ্ৰীজুলি আৰক্ষী চকীৰ ভাৰপ্ৰাপ্ত বিষয়াৰ নেতৃত্বত আৰক্ষীৰ এটা দল তথা বেংগলী ফেডাৰেচন আৰু বজৰংগ দলৰ লোকসকলে নৈৰ পাৰত বহু সময় বিচাৰ খোচাৰ কৰি ঘটনাস্থলীৰ পৰা প্ৰায় ৫ কিলোমিটাৰ দূৰৈত পৰিমল বিশ্বাসৰ মৃতদেহ উদ্বাৰ কৰে। জানিব পৰা মতে, মাছ মাৰি থকা অৱস্থাত ভূটান পাহাৰত হোৱা প্ৰবল বৃষ্টিপাতৰ ফলত নৈৰ পানীত উটি যায় পৰিমল বিশ্বাস নামৰ লোকজন ।