বাক্সা,12 এপ্ৰিলঃবাক্সাৰ গোৰেশ্বৰত দেওবাৰে সংঘটিত হয় এক পথ দুৰ্ঘটনা । তীব্ৰবেগত আহি থকা এখন স্কুটিয়ে নিয়ন্ত্ৰণ হেৰুৱাই পথৰ দাঁতিৰ খাৱৈত বাগৰি পৰাৰ ফলত সংঘটিত হয় দুৰ্ঘটনাটো ৷ ফলত নিহত হয় এজন লোক । দুৰ্ঘটনাৰ খবৰ লাভ কৰি ততালিকে ঘটনাস্থলীত আৰক্ষী উপস্থিত হৈ স্কুটি আৰোহী দুজনক সমীপৰ নাওকাটা ক্ষুদ্ৰ প্ৰাথমিক চিকিৎসালয়ত ভৰ্তি কৰে ৷
চিকিৎসালয়ত উপস্থিত হোৱাৰ কিছু সময় পিছত চিকিৎসকে মৃত ঘোষণা কৰে এগৰাকী আৰোহীক ৷ মৃত লোকজন গোৰেশ্বৰৰ বকুলশুৰিৰ সুকন দেৱনাথ (৪৫) বুলি জানিব পৰা গৈছে ৷ আনহাতে, আহত আনজন ব্যক্তি ৰামছাঝাৰ নিবাসী বিজয় নাথ (২৩)ক সংকটজনক অৱস্থাত উন্নত চিকিৎসাৰ বাবে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰে ৷ ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ৷
লগতে চাওকঃউন্নয়নৰ মুখ নেদেখা কাছাৰ জিলাৰ এখন গাঁও