বাক্সা, ১০ জুলাই :আজি ৰাষ্ট্ৰীয় মীন পালক দিৱস (National Fish Farmers Day 2022) ৷ ৰাজ্যৰ ভিন্ন প্ৰান্তৰ লেখিয়াকৈ বিচিআৰৰ অন্তৰ্গত বাক্সা জিলাৰ মুছলপুৰতো বিটিচিৰ মীন বিভাগৰ উদ্যোগত দেওবাৰে দিনযোৰা কাৰ্যসূচীৰে পালন কৰা হয় ৰাষ্ট্ৰীয় মীন পালক দিৱস (National Fish Farmers Day celebrated in Baska)৷ বন্তি প্ৰজ্বলনেৰে আৰম্ভ হয় মীন পালক দিৱসৰ কাৰ্যসূচী ৷
মুছলপুৰত ৰাষ্ট্ৰীয় মীন পালক দিৱস পালন
ইয়াৰ পিছতে বাপন বসুমতাৰীৰ সভাপতিত্বত অনুষ্ঠিত হয় এখন মুকলি সভা ৷ বিটিআৰৰ পাঁচখন জিলাৰ পৰা অহা মীন পালকৰ উপস্থিতিত বিটিচিৰ মীন বিভাগৰ কাৰ্যবাহী সদস্য ৰাকেশ ব্ৰহ্মই মীন পালক সকলক উদ্দেশ্যি ভাষণ প্ৰদান কৰে ৷ বিটিচিৰ কাৰ্যবাহী সদস্যগৰাকীয়ে মীন পালনৰ পদ্ধতি আৰু ইয়াৰ লাভালাভ সম্পৰ্কত বিষদভাৱে ব্যাখ্যা কৰি মীন পালন কৰি স্বাৱলম্বী হ’বলৈ আহ্বান জনায় ৷