বাক্সা,23 আগষ্টঃ অভিযোগ, প্ৰতি-অভিযোগেৰে ক্ৰমাৎ গৰম হৈ পৰিছে বিটিএডিৰ ৰাজনীতি ৷ সাংসদ নৱ কুমাৰ শৰণীয়াই গঠন কৰা বিটিএডি সেনাক লৈ প্ৰমিলা ৰাণী ব্ৰহ্ম আৰু এৱছুৰ সভাপতি প্ৰমোদ বড়োৱে কৰা মন্তব্যক প্ৰত্যাহ্বান নৱ কুমাৰ শৰণীয়াৰ ৷ শুকুৰবাৰে বাক্সা জিলাৰ দেৱচাৰাত এক আধাৰশিলা স্থাপন কাৰ্যসূচীত অংশগ্ৰহন কৰি শৰণীয়াই কয় বিটিএডি সেনা সশস্ত্ৰ সেনা নহয় ৷ বিটিচি অঞ্চলত চলি থকা অন্ধ বিশ্বাস, কুসংস্কাৰ, কৃষি,শিক্ষা আদি ক্ষেত্ৰৰ উন্নয়নৰ বাবেহে গঠন কৰা হৈছে বিটিএডি সেনা ৷
প্ৰমিলাৰাণী ব্ৰহ্মক প্ৰত্যাহ্বান নৱ কুমাৰ শৰণীয়াৰ আনহাতে,মন্ত্ৰী প্ৰমিলাৰাণী ব্ৰহ্মকো তীব্ৰ প্ৰত্যাহ্বান জনায় নৱ কুমাৰ শৰণীয়াই কয় যে,''পাঠশালাৰ ঘটনাৰ লগত যদিহে মোৰ মানুহ জড়িত আছে তেওঁলোকে ধৰি দেখুৱাই দিয়ক '' ৷ সাংসদগৰাকীয়ে প্ৰমিলাৰাণীৰ পূৰ্বৰ কিছু কু-কীৰ্তি উল্লেখ কৰি 2021 চনৰ বিধানসভা নিৰ্বাচনত নিজৰ সমষ্টিত পৰাজয় বৰণ কৰিব বুলি দৃঢ়তাৰে মত প্ৰকাশ কৰে ৷ ইয়াৰোপৰি,বিটিএডিত বিজেপি দলে নিৰ্বাচন খেলিব বিচৰা বিষয় সন্দৰ্ভতো সাংসদ নৱ কুমাৰ শৰণীয়াই তাৎপৰ্যপূৰ্ণ মন্তব্য আগবঢ়াই ৷ তেওঁ লগতে কয়, মোক প্ৰতিহত কৰাৰ বাবে বিজেপিয়ে অভিসন্ধি ৰচনা কৰিছে যদিও তেঁওলোক সফল নহয় ৷
