মুছলপুৰক কৰা হ’ব পূৰ্বতকৈ অধিক উন্নত : প্ৰমোদ বড়ো

বৃহস্পতিবাৰে নিজ সমষ্টি পৰিদৰ্শনৰ বাবে মুছলপুৰত উপস্থিত হয় বিটিচিৰ মুখ্য কাৰ্যবাহী প্ৰমোদ বড়ো ৷ বাক্সা জিলাৰ সদৰ মুছলপুৰত উপস্থিত হৈ আগতকৈ মুছলপুৰক আৰু অধিক উন্নত কৰা হ'ব বুলি উল্লেখ কৰে ৷

বাক্সা,১৭ জুন:বৃহস্পতিবাৰে বাক্সা জিলাৰ সদৰ মুছলপুৰত উপস্থিত হয় বিটিচিৰ মুখ্য কাৰ্যবাহী প্ৰমোদ বড়ো ৷ নিজ সমষ্টি পৰিদৰ্শনৰ বাবে মুছলপুৰত উপস্থিত হৈ প্ৰমোদ বড়োৱে কয়, বাক্সা জিলাৰ সদৰ মুছলপুৰক আৰু অধিক উন্নত কৰিবৰ বাবে সোনকালে ব্যৱস্থা গ্ৰহণ কৰা হ'ব ৷ সাংস্কৃতিক দিশত জিলাখনক আগুৱাই নিয়াৰ বাবে সাংস্কৃতিক ভৱনটো আৰু অধিক উন্নত কৰাৰ লগতে মুছলপুৰত আলহী জিৰণি চ'ৰা বনোৱাৰ কাৰণেও যাৱতীয় ব্যৱস্থা গ্ৰহণ কৰা হৈছে ৷ এই জিৰণি চ'ৰাৰ কাষতে কন কন শিশুসকলৰ বাবে উদ্যান নিৰ্মাণৰ কামো হাতত লোৱা হ'ব বুলি সংবাদ মাধ্যমৰ আগত কাৰ্যবাহী গৰাকীয়ে মন্তব্য কৰে ৷

আনহাতে, বিটিআৰৰ কাৰ্যবাহী সদস্য ৰাকেশ ব্ৰহ্মই কয় যে, বাক্সা জিলাখন পূৰ্বতকৈ আৰু অধিক উন্নত কৰাৰ কাৰণে চৰকাৰে কাম কৰি যাব। ইতিমধ্যে সকলো কামৰ প্ৰতিবেদন প্ৰস্তুতৰ কাম হাতত লোৱা হৈছে ৷ উল্লেখ্য যে, বিটিআৰ প্ৰধান প্ৰমোদ বড়োৱে বৃহস্পতিবাৰে মুছলপুৰৰ লগতে জিলাখনৰ বিভিন্ন স্থানলৈ গৈ কেইবাখনো গাঁও, দলং, ৰাস্তা-ঘাট, খোৱাপানী আদিৰ অৱস্থা নিৰীক্ষণ কৰে ৷

লগতে পঢ়ক:এইবাৰ চন্দ্ৰমোহন পাটোৱাৰীৰ বিৰুদ্ধে সৰৱ ৰমেন ডেকা