বাক্সা,16 আগষ্ট: বাক্সা জিলাৰ তামুলপুৰ মহকুমাৰ অন্তৰ্গত কুমাৰীকাটা-কাউলী সংযোগী মটঙা নৈত নিৰ্মাণ কৰা এখন বাঁহৰ দলঙত শনিবাৰে নিশা অগ্নিসংযোগ কৰে দুৰ্বৃত্তই ৷ স্বাধীনতা দিৱসৰ দিনটোতে কোনো অজ্ঞাত দুষ্কৃতিকাৰীয়ে কৰা এনে কাণ্ডত চাঞ্চল্য সৃষ্টি হৈছে অঞ্চলটোত ৷
উল্লেখ্য যে,নৈখনৰ ওপৰত আজিলৈকে এখনো পকী দলং নিৰ্মাণ নোহোৱাত ৰাইজে গাঁঠিৰ ধন ভাঙি নিৰ্মাণ কৰিছিল দলঙখন ৷ প্ৰায় 5 লাখ টকা ব্যয় সাপেক্ষে নিৰ্মাণ কৰা উক্ত দলঙখন বিটিচি নিৰ্বাচনৰ প্ৰাকক্ষণত কোনো অজ্ঞাত লোকে অগ্নিসংযোগ কৰাৰ ঘটনাই ৰহস্য সৃষ্টি কৰিছে ৷ ঘটনাৰ বিষয়ে স্থানীয় ৰাইজে জানিব পাৰি জুই নিয়ন্ত্ৰণৰ চেষ্টা চলাই যদিও তেতিয়ালৈ দলঙখনৰ অধিকাংশ জ্বলি যায় ৷ দলঙখন জুয়ে পুৰি ক্ষতিসাধন হোৱাত অঞ্চলটোৰ যাতায়াতৰ প্ৰতি ভাবুকি সৃষ্টি হৈছে ৷